Լուրեր

«Արձանագրված խնդիրները և լուծումները պետք է հետևողականորեն բարձրացնենք՝ պետություն–մասնավոր երկխոսությանն արդյունավետություն հաղորդելու նպատակով». Արսեն Ղազարյան

Հայաստանի արդյունաբերողների և գործարարների միության նոյեմբերի 25-ին կայացած խորհրդի ընդլայնված նիստի օրակարգային հարցերից էր քննարկել, հավաքագրել, լուծումներ առաջարկել տնտեսվարողներին հուզող այն հիմնախնդրների վերաբերյալ, որոնք ՀԱԳՄ ներկայացուցիչները կբարձրացնեն ՀՀ վարչապետ Նիկոլ Փաշինյանի՝ գործարար համայնքի հետ առաջիկայում նախատեսված հանդիպման ժամանակ։

«Տնտեսությունն արմատապես առաջ մղել հնարավոր կլինի պետություն–մասնավոր հատված մի նոր փուլի համագործակցության արդյունքում»․ Արսեն Ղազարյան

Մրցակցային իրավիճակի առումով մեր տնտեսությունում թեև վերջին տարիներին արմատական փոփոխություններ են գրանցվել, այդուհանդերձ որոշակի խնդիրներ դեռ առկա են, որոնք ինչ–որ առումով օբյեկտիվ են։ Այս կարծիքը հայտնեց Հայաստանի արդյունաբերողների և գործարարների միության նախագահ Արսեն Ղազարյանը` Համաշխարհային բանկի գրասենյակի «Հայաստան․ երկրի տնտեսական նորությունները» առաջին զեկույցի՝ նոյեմբերի 21-ին կազմակերպված շնորհանդեսի շրջանակում անկացված պանելային քննարկման ժամանակ։

Զեղծարարները կեղծ լուրեր են տարածում ՀԱԳՄ նախագահի անունից

Հայաստանի արդյունաբերողների և գործարարների միության նախագահ Արսեն Ղազարյանն այսօր ՀԱԳՄ անդամներին հաղորդագրություն է տարածել, որտեղ տեղեկացրել է WhatsApp–ում իր անունով բացված կեղծ հաշվից տարածվող ապատեղեկատվության մասին։

Ներկայացվեց Հայկ Դեմոյանի «Թիֆլիս․ հայկական ժառանգության նկարազարդ պատմություն» գիրքը

Լույս է տեսել պատմական գիտությունների դոկտոր Հայկ Դեմոյանի «Թիֆլիս․ հայկական ժառանգության նկարազարդ պատմություն» գիրքը, որի շնորհանդեսը տեղի ունեցավ նոյեմբերի 6–ին՝ Երևանի «Էլիտ Պլազա» բիզնես-կենտրոնում։

Քննարկվեցին Հայաստանի և Դուբայի գործարարների միջև փոխհարաբերությունների հետագա խորացման հնարավորությունները

Հայաստանի և Դուբայի գործարար շրջանակների միջև փոխհարաբերությունների հետագա խորացման հնարավորությունները քննարկվեցին Հայաստանի արդյունաբերողների և գործարարների միության փոխնախագահ Ներսես Կարամանուկյանի և Դուբայի առևտրի պալատի միջազգային հարաբերությունների գծով փոխնախագահ Սալեմ Ալ–Շամսիի՝ հոկտեմբերի 23-ին Երևանի Արմենիա Մարիոթ հյուրանոցում կայացած հանդիպման ժամանակ։

Երևանում մեկնարկեց «ARMENIA EXPO 2025» 24-րդ միջազգային ցուցահանդեսային ֆորումը

Յոթ երկրի շուրջ երկու հարյուր ընկերություն է ներկայացված սեպտեմբերի 5-ին Կարեն Դեմիրճյանի անվան մարզահամերգային համալիրում մեկնարկած «ARMENIA EXPO 2025» 24-րդ միջազգային ունիվերսալ առևտրաարդյունաբերական ցուցահանդեսային ֆորումին։

Հայաստան-Իրաք գործարար համաժողովը նոր թափ կհաղորդի երկկողմ տնտեսական գործակցությանը

Օգոստոսի 26-ին Երևանում կայացած Հայաստանի Հանրապետության և Իրաքի Հանրապետության միջև տնտեսական համագործակցության հարցերով միջկառավարական համատեղ հանձնաժողովի չորրորդ նիստի արդյունքում ստորագրվեցին մի շարք փաստաթղթեր՝ այդ թվում Համագործակցության հուշագիր Հայաստանի արդյունաբերողների և գործարարների միութան ու Իրաքի առևտրի պալատների ֆեդերացիայի միջև։

ՀԱԳՄ–ի աջակցությամբ իրականացված ծրագրի շրջանակում անվճար իրավաբանական խորհրդատվություն է տրամադրվել 108 բռնի տեղահանվածի

Հայաստանի արդյունաբերողների և գործարարների միության (ՀԱԳՄ) աջակցությամբ` 2025 թվականի փետրվարից մինչև օգոստոս Իրավաբանների հայկական ասոցիացիան (ԻՀԱ) «Արցախահայերի իրավունքների պաշտպանություն» ծրագրի շրջանակում անվճար իրավաբանական խորհրդատվություն է տրամադրել 108 բռնի տեղահանված անձի։

Աշխատանքային քննարկում արտադրական ընկերությունների մասնակցությամբ

Հայաստանի արդյունաբերողների և գործարարների միության ու Հայաստանում ամերիկյան առևտրի պալատի նախաձեռնությամբ հուլիսի 22-ին «Ramada Hotel & Suites by Wyndham Yerevan» հյուրանոցում տեղի ունեցավ աշխատանքային քննարկում, որին մասնակցելու հրավիրվել էին Միության անդամ կազմակերպություններ, խոշոր արտադրական ընկերություններ։ Օրակարգում QR դրոշմապիտակների կիրառվող նոր կարգին առնչվող խնդիրների և Հարկային օրենսգրքի առաջիկա փոփոխությունների հետ կապված գործարար շրջանակների դիրքորոշումներն էին։

Նախագահ Վահագն Խաչատուրյանն ընդունել է Հայաստանի արդյունաբերողների և գործարարների միության փոխնախագահ Ներսես Կարամանուկյանին

Հանրապետության նախագահ Վահագն Խաչատուրյանն ընդունել է Հայաստանի արդյունաբերողների և գործարարների միության (ՀԱԳՄ) փոխնախագահ Ներսես Կարամանուկյանին: ՀԱԳՄ փոխնախագահը շնորհակալություն է հայտնել ընդունելության համար և տեղեկացրել, որ վերջերս անցկացված միության նախագահության նիստում, ի թիվս այլ հարցերի, քննարկվել են երկրի տնտեսության առջև ծառացած հրատապ և մտահոգություն առաջացնող խնդիրներ, որոնց լուծման գործընթացում միությունը պատրաստ է մասնակցել իր փորձագիտական ներուժով: