ՀԱԳՄ նախագահ Արսեն Ղազարյան
Հայաստանի արդյունաբերողների և գործարարների միությունը /ՀԱԳՄ/ ստեղծվել է 1996 թվականին:
ՀԱԳՄ-ն շահույթ ստանալու նպատակ չհետապնդող հասարակական կազմակերպություն է, որը շահերի ընդհանրության հիման վրա միավորում է արդյունաբերության, առևտրի, ֆինանսական համակարգի, գյուղատնտեսութան, տրանսպորտի, շինարարության և տնտեսության այլ ոլորտներում գործարարությամբ զբաղվող իրավաբանական և ֆիզիկական անձանց:
ՀԱԳՄ-ի գործունեության համար հատկանշական են երկրում տնտեսական բարեփոխումների իրականացմանան գործում անկողմնակալությունն ու հետևողականությունը, ակտիվ մասնակցությունը տնտեսական օրենսդրության կատարելագործմանը, սատարումը հայրենական արտադրողի շահերի ներկայացմանը և պաշտպանությանը, միջազգային գործարար համագործակցության զարգացմանը, առանձին ընկերությունների միջև փոխշահավետ կապերի հաստատմանը:
Միությունն իր գործունեությունն իրականացնում է ինքնակառավարման, թափանցելիության, ժողովրդավարության, ինչպես նաև իր անդամների կամավորության և հավասարազորության սկզբունքներով:
ՀԱԳՄ-ն կառուցողական համագործակցության մեջ է ՀՀ Նախագահի աշխատակազմի, Կառավարության, նախարարությունների և Ազգային Ժողովի հետ:
ՀԱԳՄ-ն ձևավորել է կառուցողական ընդդիմախոսի կարգավիճակ տնտեսական քաղաքականությանը կամ օրենսդրությանը վերաբերող հայեցակարգային փաստաթղթերի քննարկումներում:
Իր ծրագրային դրույթների իրականացման համատեքստում ՀԱԳՄ-ն ակտիվորեն համագործակցում է նաև Հայաստանի Հանրապետության մի շարք պետական և հասարակական կազմակերպությունների հետ:
ՀԱԳՄ նախագահը Հայաստանի հանրահին խորհրդի և ՀՀ արդարադատության նախարարին կից հանրային խորհրդի անդամ է։
ՀԱԳՄ-ն ակտիվորեն մասնակցում է նաև Հայաստանի և արտասահմանյան մի շարք երկրների հետ ստեղծված միջկառավարական առևտրատնտեսական հանձնաժողովների աշխատանքներին: