2025

Աշխատանքային քննարկում արտադրական ընկերությունների մասնակցությամբ

Հայաստանի արդյունաբերողների և գործարարների միության ու Հայաստանում ամերիկյան առևտրի պալատի նախաձեռնությամբ հուլիսի 22-ին «Ramada Hotel & Suites by Wyndham Yerevan» հյուրանոցում տեղի ունեցավ աշխատանքային քննարկում, որին մասնակցելու հրավիրվել էին Միության անդամ կազմակերպություններ, խոշոր արտադրական ընկերություններ։ Օրակարգում QR դրոշմապիտակների կիրառվող նոր կարգին առնչվող խնդիրների և Հարկային օրենսգրքի առաջիկա փոփոխությունների հետ կապված գործարար շրջանակների դիրքորոշումներն էին։

Նախագահ Վահագն Խաչատուրյանն ընդունել է Հայաստանի արդյունաբերողների և գործարարների միության փոխնախագահ Ներսես Կարամանուկյանին

Հանրապետության նախագահ Վահագն Խաչատուրյանն ընդունել է Հայաստանի արդյունաբերողների և գործարարների միության (ՀԱԳՄ) փոխնախագահ Ներսես Կարամանուկյանին: ՀԱԳՄ փոխնախագահը շնորհակալություն է հայտնել ընդունելության համար և տեղեկացրել, որ վերջերս անցկացված միության նախագահության նիստում, ի թիվս այլ հարցերի, քննարկվել են երկրի տնտեսության առջև ծառացած հրատապ և մտահոգություն առաջացնող խնդիրներ, որոնց լուծման գործընթացում միությունը պատրաստ է մասնակցել իր փորձագիտական ներուժով:

«Գործարարության խնդիրների բարձրաձայնումն ու դրանց լուծումներին հետամուտ լինելը պետք է դառնան մեր հետևողական աշխատանքի բաղադրիչ»․ Արսեն Ղազարյան

ՀՀ կառավարություն-գործարար համայնք ձևաչափով Դիլիջանում կայացած աշխատաժողովի արդյունքների լույսի ներքո Հայաստանի արդյունաբերողների և գործարարների միության անելիքների ու խնդիրների մասին հարցն էր ընդգրկված ՀԱԳՄ՝ հուլիսի 10–ին կայացած խորհրդի ընդլայնված նիստի օրակարգում։

Երևանում հանդիսավորությամբ բացվեց Էմիլ Գրիգորյանի հիշատակը հավերժացնող հուշատախտակը

Երևանի ոսկերչական գործարանում հունիսի 25–ին հանդիսավորությամբ բացվեց գործարանի հիմնադիր և երկարամյա տնօրեն` գործարար, անվանի հասարակական գործիչ, բարերար Էմիլ Գրիգորյանի հիշատակը հավերժացնող հուշատախտակը։

Քննարկվեց արհեստական բանականության դերը հաղորդակցության կազմակերպման գործում

«Արհեստական բանականությունը հաղորդակցության կազմակերպման գործում» ընդհանուր խորագիրն էր կրում Հայաստանի արդյունաբերողների և գործարարների միությունում հունիսի 12-ին կազմակերպված սեմինար–հանդիպումը, որին մասնակցեցին Միության անդամ ընկերությունների մարկեթինգի, հաղորդակցության ու զարգացման ոլորտների պատասխանատուներ։

Հայաստանի ալկոհոլային խմիչքներ արտադրողները կոչով դիմել են պետական և միջազգային կառույցներին

Հայաստանի արդյունաբերողների և գործարարների միությունում վերջին շրջանում բազմաթիվ ահազանգեր են ստացվում ոգելիչ խմիչք արտադրող ընկերություններից, արտահանողներից, բեռնափոխադրողներից, որոնք իրենց դժգոհությունն ու մտահոգությունն են հայտնում հայ–վրացական սահմանում տիրող իրավիճակից։ Ըստ էության, վրացական կողմն անհիմն խոչընդոտում է հայկական արտադրության ալկոլհոլային խմիչքների տարանցիկ փոխադրումները երրորդ երկրներ՝ չտալով որևէ հիմնավոր բացատրություն։ Խնդիրը դարձել է դժգոհությունների և բուռն քննարկումների առարկա։

Գործարարները պատրաստակամ են կառուցողական մասնակցություն ունենալ տնտեսական զարգացման ռազմավարության մշակման ու իրականացման գործընթացներում

Հայաստանի արդյունաբերողների և գործարարների միության ներկայացուցչական խումն իր մասնակցությունն է ունեցել ապրիլի 18-ին Դիլիջանում կազմակերպված «Հայաստանի տնտեսական մրցունակության բարձրացումը քաղաքականությունների և վարչարարության բարելավման միջոցով» խորագրով գործարար աշխատաժողովին:

Կրթական հաստատությունները ներկայացնում են իրենց ուսումնական ծրագրերն ու հեռանկարները

Հայաստանի ավելի քան յոթ տասնյակ ուսումնական հաստատություններ են ներկայացված Կարեն Դեմիրճյանի անվան մարզահամերգային համալիրում ապրիլի 16-ին բացված «Կրթություն և կարիերա EXPO 2025» 24-րդ մասնագիտացված ցուցահանդեսում։ Հայաստանի արդյունաբերողների և գործարարների միության ու LOGOS EXPO Center-ի կողմից համատեղ կազմակերպված ցուցահանդեսի մասնակից բուհերը, քոլեջները, կրթական կենտրոններն այցելուներին են ներկայացրել իրենց մասնագիտացումները, կրթական ծրագրերը, ուսումնական գործընթացների կազմակերպման հնարավորություններն ու առանձնահատկությունները։

Դուբայի միջազգային պալատի պատվիրակությունը՝ ՀԱԳՄ–ում

Հայաստանի արդյունաբերողների և գործարարների միությունում ապրիլի 10-ին հյուրընկալվեց Դուբայի միջազգային պալատի պատվիրակությունը։ Ինչպես նշեց կառույցի միջազգային գործընկերության գծով տնօրեն Սումայա Ալ Շամսին՝ Հայաստան իրենց առաքելության նպատակն է տեղում ծանոթանալ այն ուղղություններին, որոնցում կարելի է զարգացնել տնտեսական երկկողմ համագործակցություն։

Քննարկվեցին տնտեսական զարգացման ռազմավարությանն առնչվող հարցեր

Տնտեսական զարգացման ռազմավարությանն առնչվող հարցերի քննարկման, գործարարների առջև ծառացած արդի հիմնախնդիրները վերհանելու նպատակն էր հետապնդում Հայաստանի արդյունաբերողների և գործարարների միությունում ապրիլի 4-ին հրավիրված աշխատաժողովը, որին մասնակցեցին ՀԱԳՄ–ի, Առևտրի միջազգային պալատի հայաստանյան ներկայացուցչության ղեկավարությունն ու փորձագետները, գիտական շրջանակների ներկայացուցիչներ։