Հարգելի գործընկերներ,

1996թ. ապրիլի 9-ին Հայաստանի արդյունաբերողների և գործարարների միություն ստեղծելու կամքը պետական գրանցում ստացավ:

Այդ օրվանից ՀԱԳՄ-ն անմիջական ու շոշափելի​ մասնակցություն է ունեցել և՛ Հայ պետականության , և՛ Հայոց բանակի , և՛ Հայաստանի տնտեսության կայացման ու զարգացման գործին:

Այսօր էլ, երբ Հայաստանում տնտեսական հեղափոխության​ սկիզբն է դրվել, վստահ ենք, որ միության շուրջ համախմբված անձիք կլինեն ոչ միայն դրա ուղեկիցը, այլև առաջնորդը:

Հեռու չէ նաև այն օրը, երբ մեր միությունը կնշի իր 25 ամյակը, որը մեզ բոլորիս համար կլինի ոչ միայն ուրախության ու հպարտության տարեդարձ, այլև անցած ճանապարհը իմաստավորելու լրջագույն հնարավորություն և դրա հիման վրա նոր բարձունքներ նվաճելու հարթակ:

Շնորհավորում ենք​ մեզ բոլորիս: ​

Նախագահ՝ Արսեն Ղազարյան