Հայ–հունական կապեր

Հունիսի 6–ին Հայաստանի արդյունաբերողների և գործարարների միության նախագահ Արսեն Ղազարյանը ընդունեց Հայաստանում Հունաստանի արտակարգ և լիազոր դեսպան Իոանիս Թաղիսին։

Անդրադառնալով հայ–հունական բիզնես հարաբերություններին՝ Արսեն Ղազարյանը նշեց, որ տնտեսական ցուցանիշները շատ համեստ են. Դրանք զգալիորեն թուլացան հատկապես համաշխարհային ճգնաժամի պատճառով։ Պարոն Ղազարյանի համոզմամբ՝ լուրջ ներուժ կա դրանք անհամեմատ ակտիվացնելու, և Միությունը մշտապես պատրաստակամ է այն իրագործելու համար։ ՀԱԳՄ նախագահը անդրադարձավ նաև ԵՏՄ շրջանակներում Հայաստանի անելիքներին, հավելեց, որ Հայաստանը կարող է Հունաստանի համար դառնալ միջանցիկ ճանապարհ ԵՏՄ շուկա մտնելու համար։

Դեսպանը անդրադարձավ երկկողմ հետաքրքրություն ներկայացնող հարցերի, փաստեց Հունական կողմի պատրաստակամությունը տնտեսական կապերը ակտիվացնելու գործում։