«Աջակցություն Հայաստան-Թուրքիա հարաբերությունների բարելավմանը» (SATR) ծրագիրը մեկնարկել է 2010թ. հոկտեմբերին, որի նպատակն է նպաստել Հայաստան-Թուրքիա հարաբերությունների կարգավորմանը և պետություն-պետություն երկխոսության ու փոխգործակցության համար բարենպաստ միջավայրի ստեղծմանը:
Ծրագիրը համատեղ իրականացվում է չորս հայկական կազմակերպությունների կոնսորցիումի կողմից՝ Հայաստանի արդյունաբերողների և գործարարների միության (ՀԱԳՄ), Եվրասիա համագործակցության հիմնադրամի (ԵՀՀ), Մարդկային զարգացման միջազգային կենտրոնի (ՄԶՄԿ) և Երևանի մամուլի ակումբի (ԵՄԱ) ՝ ԱՄՆ Միջազգային զարգացման գործակալության (USAID) աջակցությամբ։
ԱՄՆ ՄԶԳ-ն և Կոնսորցիումի անդամներն աջակցում են Հայաստան-Թուրքիա մերձեցմանը` նպաստելով քաղաքացիական հասարակության խմբերի ներգրավմանը, գործարար շրջանակների և տարածաշրջանային մասնագիտական ցանցերի ստեղծմանն ու զարգացմանը, ինչպես նաև տարածաշրջանում տնտեսական ինտեգրման ընդլայնմանը:
ՀԱԳՄ-ն համակարգում է SATR ծրագրի բիզնես ուղղությունը: Որպես ծրագրի մի մաս, ՀԱԳՄ-ն աշխատում է Հայաստանի և Թուրքիայի միջև բիզնես համագործակցության ընդլայնման ուղղությամբ՝ նպաստելով նոր երկկողմ գործընկերությունների ու համատեղ բիզնես հարթակների ձևավորմանը: Բիզնեսի ուղղության թիրախային ոլորտները ներառում են, բայց չեն սահմանափակվում հետևյալներով. արդյունաբերություն, զբոսաշրջություն, գյուղատնտեսություն, կապ, տրանսպորտ, շինարարություն։
ՀԱԳՄ-ն սերտորեն համագործակցում է Հայ-թուրքական բիզնեսի զարգացման խորհրդի (TABDC) հետ՝ գործարար կապերի հաստատման միջոցով խթանելով ընդհանուր շահերի առաջմղումը ողջ տարածաշրջանում:
