Հայաստանյան ընկերությունների 17%-ի մոտ գրանցվել է սպառման 90-100% անկում

26 մայիսի 2020 | | Լուրեր, 2020
Թեգեր՝

Հայաստանյան ընկերությունների 17%-ի մոտ գրանցվել է սպառման 90-100% անկում։ Եվս 17%-ի պարագայում վաճառքի անկում չի եղել։ Այսպիսի ցուցանիշ է արձակագրվել Հայաստանի արդյունաբերողների և գործարարների միության կողմից՝ իր անդամների շրջանում անցկացված հարցման արդյունքում։ Վաճառքի ծավալների 50-80% նվազում գրանցվել է ընկերությունների 32%-ի մոտ: Սպառման 10-30% կրճատում ունեցել են ընկերությունների 25%-ը։ Մասնակիցների 9%-ը որպես սպառման խոչընդոտ նշել է արտահանման անհնարինությունը։

Հարցումը, որի արդյունքները ներկայացվեցին մայիսի 26-ին կայացած ՀԱԳՄ նախագահության նիստում, նպատակ ուներ առավել հանգամանալի պարզելու թագավարակի պանդեմիայով պայմանավորված տնտեսվարողների մոտ ստեղծված իրավիճակը, այն քայլերը, որոնք գործարարներն անհրաժեշտ են գտնում իրականացնել ստեղծված իրավիճակում գործունեությունը վերսկսելու համար։

Հարցման բոլոր մասնակցները նշել են, որ իրենց ընկերություններում խստորեն պահպանվում են ՀՀ պարետատան կողմից սահմանված հակավիրուսային պայքարի պահանջները։ Ընկերությունների շուրջ 23%-ը ձեռնարկել է նաև լրացուցիչ միջոցառումներ՝ աշխատակիցների տեղափոխում աշխատավայր և տուն՝ վարձակալված ախտահանվող ավտոբուսներով, աշխատասենյակների հատակների, պահարանների, աշխատանքային մակերեսների օրական մի քանի անգամ ախտահանում, մուտքի դիմաց ախտահանող միջոցներով թրջոցների տեղակայում, օրվա ընթացքում աշխատակիցների առնվազն երկու անգամ ջերմաչափում, նրանց ձեռնոցներով, ախտահանիչ նյութերով, անհրաժեշտ քանակության դիմակներով ապահովում։ Աշխատանքներն ամբողջությամբ հեռավար իրականացնում է 1,3%-ը ։

Ըստ հարցվածների 37%-ի՝ վաճառքի ծավալների առկա կրճատման պայմաններում կարող են երկարատև շարունակել գործունեությունը։ Մինչև 6 ամիս հնարավորություն ունի աշխատելու ընկերությունների 11%-ը, նույնքանը՝ մինչև 4 ամիս, մինչև 2 ամիս՝ 30%-ը, և մինչև կես ամիս՝ 11%-ը:

Ի պատասխան այն հարցի, թե ստեղծված իրավիճակում ո՞ր ծախսատեսակն եք հնարավոր համարում կրճատել առաջին հերթին՝ հարցման մասնակից գործարարները նշել են հետևյալ ուղղությունները․ որևէ կրճատում չեն նախատեսում՝ 15%, աշխատավարձի ֆոնդը՝ 23%, խորհրդատվական և կոմունալ ծախսերը՝ 8-ական տոկոս, ընթացիկ ծախսերը՝ 23%, վարձավճարները՝ 8%, գործուղման ծախսերը՝ 15%։

Հաստիքների հնարավոր կրճատմանն առնչվող հարցին մասնակիցների 62%-ը տվել է բացասական պատասխան, 31%-ը գտնում է, որ հնարավոր է գնան կրճատման, իսկ 7%-հարցին դրական պատասխան է տվել։

Ինչ վերաբերում է աշխատավարձերի հնարավոր կրճատման խնդրին, ապա հարցման մասնակիցների 42%-ը նշել է, որ աշխատավարձի փոփոխություն չի նախատեսում, աշխատավարձի նվազեցում կկատարեն 26%-ը, աշխատկիցներին կուղարկեն չվճարովի արձակուրդ՝ 8%-ը, փորձում են պահպանել աշխատավարձի 100 % վճարում՝ 16%-ը, կկատարեն հաստիքների կրճատում՝ 8%-ը։

Հարցման մասնակիցներն իրենց դիրքորոշումն են արտահայտել նաև այնպիսի հարցերի շուրջ, ինչպիսիք են այն առավել կարևոր նպատակները, որոնց այս շրջանում պետք է հետամուտ լինի կառավարությունը, դրանց հասնելու համար գործադիրի իրականացնելիք առաջնային քայլերը։ Մատնանշվել են այն նպատակներն ու գործողությունները, որոնք ստեղծված իրավիճակում պետք է նախանշեն ու իրականացնեն գործարարները։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• «Անկախ քաղաքական գործընթացներից, տնտեսությունը պետք է կայունություն դրսևորի և ապահովի հանրության բնականոն կենսագործունեությունը»․ Արսեն Ղազարյան• ՀԱԳՄ նախագահ Արսեն Ղազարյանի շնորհավորական ուղերձը Միության ստեղծման 25-ամյակի առթիվ• «Մենք գտնվում ենք վերելքի ճանապարհին»• ՀԱԳՄ-ում քննարկվեցին հայ-սլովակյան տնտեսական կապերի խորացման հնարավորությունները• ՀԱԳՄ հայտարարությունը ««Տնտեսական մրցակցության պաշտպանության մասին» ՀՀ օրենքում փոփոխություն կատարելու մասին» ՀՀ օրենքի ընդունման առնչությամբ• «Որակակական փոփոխություն պետք է մտցնենք մեր աշխատանքի եղանակների, մեթոդների ու քայլերի մեջ»․ Արսեն Ղազարյան• ՀԱԳՄ անդամների մասնակցությամբ քննարկվեց 2021 թ․ հուլիսի 1-ից աշխատանքային օրենսդրության կիրարկման նկատմամբ պետական վերահսկողությունը• Հայաստանի արհմիությունների կոնֆեդերացիան շնորհավորական ուղերձ է հղել «Գործարարի օրվա» առթիվ• ՆՇՎԵՑ ԳՈՐԾԱՐԱՐԻ ՕՐԸ

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center