Արսեն Ղազարյան. Բեռնափոխադրումների նկատմամբ ԱԱՀ կիրառումը կնպաստի թանկացման ու ստվերայնության աճին

17 դեկտեմբերի 2016 | | Լուրեր, 2016

Նոր Հարկային օրենսգրքով ավտոմոբիլային բեռնափոխադրումների նկատմամբ ավելացված արժեքի հարկի կիրառումը կհանգեցնի փոխադրումների թանկացմանն ու ստվերի աճին, Aysor.am-ին տված հարցազրույցում ասաց «Ապավեն» տրանսպորտային-էքսպեդիտորական ընկերության գլխավոր տնօրեն, Հայաստանի արդյունաբերողների ու գործարարների միության նախագահ Արսեն Ղազարյանը:

«Նոր հարկային օրենսգրքի վրա աշխատանքը տևեց մոտ 1,5 տարի ու ծավալների, օղակների միասնական աշխատանքի առումով այն աննախադեպ էր: Ցավոք, եկավ մի պահ, երբ մեր ամբողջ աշխատանքը մեկ օրվա մեջ 180 աստիճանով պտտվեց և այն նախագիծը, որը գնաց ԱԺ քննարկման` մոտ 14 հիմնադրույթներով գործարարների կողմից անընդունելի է», - ասաց Արսեն Ղազարյանը:

Մասնավորապես, անընդունելի հոդվածների թվում է բեռնափոխադրումների ԱԱՀ հարկումը:

«Նոր օրենքի նախագծով հաստատագրված հարկ հասկացությունն ի սպառ դուրս է եկել, որը ժամանակին կիրառվում էր գազալցակայանների, խաղատների և բեռնատարային ավտոփախադրումների վրա: Այսինքն ամսական հատվածում վճարվում էր հաստատագրված հարկ, եթե շատ էիր աշխատում, այդ հարկն ավելի քիչ ծանրաբեռնվածություն էր, չէիր աշխատում` միևնույն է հարկը վճարում էիր կամ պետք է հայտարարագրեիր, որ չես աշխատում: Հիմա ԱԱՀ հարկումով շուկան կկանգնի խնդիրների առաջ», - ասաց Արսեն Ղազարյանը` առանձնացնելով երկու գլխավոր խնդիր:

«Մեխանիկորեն փոխադրումները կթանկանան 20 տոկոսով: Երկրորդ` այսպիսով կնպաստենք ստվերայնության աճին: Մարդիկ կսկսեն ծառայություն մատուցել ու ցույց չտալ ծառայությունը: Օրինակ, 10 միավոր փոխադրումների դեպքում, ցույց տալ 5 միավորը ու ամեն ինչ անել շուկայում պահպանվելու համար: Կակտիվանան անհատ փոխադրողները, որոնք ծառայության համար կառաջարկեն ավելի ցածր գին, սակայն չեն ունենա ապահովության ոչ մի երաշխիք», - բացատրեց արդյունաբերողների ու գործարարնրի միության նախագահը:

Նա նշեց, որ 14 դրույթների անընդունելիության հարցը բարձրացրել են նաև վարչապետի մոտ, որը խոստացել է 2017 թ.-ին դրանց շուրջ քննարկումներ կազմակերպել:

«2017 թ.-ին այդ դրույթների շուրջ կլինեն քննարկումներ ու կփորձենք լրախմբագրել դրանք: Հուսանք` մեր դիտարկումները կընդունվեն», - ասաց Արսեն Ղազարյանը:

«Ապավեն» տրանսպորտային-էքսպեդիտորական ընկերության գլխավոր տնօրեն, Հայաստանի արդյունաբերողների և գործարարների միության նախագահ Արսեն Ղազարյանի հետ Aysor.am-ի ամբողջական հարցազրույցը կհրապարակվի դեկտեմբերի 19-ին` տեսանյութով:

 

Հեղինակ՝ Յանա Շախրամանյան


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• «Անկախ քաղաքական գործընթացներից, տնտեսությունը պետք է կայունություն դրսևորի և ապահովի հանրության բնականոն կենսագործունեությունը»․ Արսեն Ղազարյան• ՀԱԳՄ նախագահ Արսեն Ղազարյանի շնորհավորական ուղերձը Միության ստեղծման 25-ամյակի առթիվ• «Մենք գտնվում ենք վերելքի ճանապարհին»• ՀԱԳՄ-ում քննարկվեցին հայ-սլովակյան տնտեսական կապերի խորացման հնարավորությունները• ՀԱԳՄ հայտարարությունը ««Տնտեսական մրցակցության պաշտպանության մասին» ՀՀ օրենքում փոփոխություն կատարելու մասին» ՀՀ օրենքի ընդունման առնչությամբ• «Որակակական փոփոխություն պետք է մտցնենք մեր աշխատանքի եղանակների, մեթոդների ու քայլերի մեջ»․ Արսեն Ղազարյան• ՀԱԳՄ անդամների մասնակցությամբ քննարկվեց 2021 թ․ հուլիսի 1-ից աշխատանքային օրենսդրության կիրարկման նկատմամբ պետական վերահսկողությունը• Հայաստանի արհմիությունների կոնֆեդերացիան շնորհավորական ուղերձ է հղել «Գործարարի օրվա» առթիվ• ՆՇՎԵՑ ԳՈՐԾԱՐԱՐԻ ՕՐԸ

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center