ՀՀ տնտեսական զարգացման և ներդրումների նախարարությունում լսեցին արդյունաբերողներին
և գործարարներին հուզող հարցերը

17 նոյեմբերի 2016 | | Լուրեր, 2016

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: ՀՀ տնտեսական զարգացման և ներդրումների նախարարությունը հյուրընկալել էր Հայաստանի արդյունաբերողների և գործարարների միության անդամներին: «Արմենպրես»-ի հաղորդմամբ, հանդիպում-քննարկումն ուղղված էր նախարարության և միության համագործակցության արդունավետության բարձրացմանը:

ՀՀ տնտեսական զարգացման և ներդրումների նախարար Սուրեն Կարայանը, նշեց, որ հրավերքի հիմնական նպատակը կայանում է նրանում, որ արդյունաբերողների և գործարարների միության հետ համատեղ քննարկեն և փորձեն ձևավորել այն հարթակը, որի շուրջ շարունակելու են համագործակցությունը:

«Ցանկանում եմ, որ մեր համագործակցությունը պարբերական բնույթ կրի: Որոշ ժամանակ անց նաև հանդիպումներ կկազմակերպենք առանց փողկապի, որպեսզի ավելի անկեղծ լինենք: Մեր նպատակը կայանալու է նրանում, որ առանց հապաղելու ձևավորենք այդ հարթակը, որը նաև կդնենք ինստիտուցիոնալ հիմքի վրա: Կլսենք, թե ինչ խնդիրներ կան այսօր, որոնք միասին պետք է հաղթահարենք»,- նշեց Սուրեն Կարայանը:

ՀՀ տնտեսական զարգացման և ներդրումների նախարարի տեղակալ Տիգրան Խաչատրյանի խոսքով` նախարարության առջև դրված առանցքային խնդիրներից մեկը պահանջում է առավել արդյունավետ մեխանիզմներ մշակել և կիրառել գործարար համայնքին լսելու և նրա բարձրացրած հարցերը կարգավորելու համար:

«Այդ տեսանկյունից նախարարությունը պատրաստում է հանդիպումների շարք, որպեսզի մասնագիտացված միությունների հետ պարզի, թե որոնք են այն արդյունավետ մեխանիզմները, որոնցով նրանց ձայնը կլինի լսելի և բարձրացված հարցերը կստանան այնպիսի լուծումներ, որոնք կնպաստեն գործարար միջավայրի բիզնեսի զարգանալուն»,- ասաց փոխնախարարը:

Խաչատրյանի ներկայացմամբ, իրենք այդ հարցերից յուրաքանչյուրին լուծում տալու պարտականություն են զգում: Նրա կարծիքով, կառավարությունը բավականաչափ կամք ունի եղած խնդիրներին հնարավոր դրական լուծումներ տալու համար:

Խոսքի վերջում նա ընդգծեց, որ այս հանդիպումը, լինելով առաջինը, չի լինի վերջինը: Փորձելու են լսել բոլոր միություններին, որոնք ունեն ասելիք:

Հայաստանի արդյունաբերողների և գործարարների միության նախագահ Արսեն Ղազարյանն իր հերթին նշեց, որ այս հանդիպումը վարչապետի հետ իրենց խորհրդի հանդիպման տրամաբանական շարունակությունն է: Նա իր գոհունակությունը հայտնեց այն փաստի առթիվ, որ կառավարության ընդունած աշխատանքային ծրագրում արդյունաբերողների և գործարարների միության առաջարկների զգալի մասն արտացոլվել է: «Այսօրվա հանդիպմանը պետք է քննարկենք կառավարության ծրագրի դրույթների շուրջ նախարարություն և միություն համատեղ աշխատանքի կետերը, մեխանիզմները, ինչի նպատակն է ներդրումային դաշտը բարելավելը, գործարարների հասարակական մասնակցությունն ակտիվացնելը պետական կառավարչական գործառույթների իրականացման մեջ, որպեսզի մենք կարողանանք շատ կարճ ժամանակահատվածում նպաստել տնտեսական ակտիվացմանը, ոգեշնչելու գործարար համայնքին՝ ներդրումներն ավելացնելու համար»,- ասաց Ղազարյանը:

Նա համոզմունք հայտնեց, որ միայն մասնավոր և պետական հատվածների թիմով աշխատելու արդյունքում հնարավոր կլինի մի քանի ամսվա ընթացքում տեղից շարժել լճացած տեղում կանգնած սայլը, այն է` տնտեսական վիճակը:

Վերջում նա հավելեց, որ իրենց առաջարկներն առարկայական ներկայացրել են կառավարություն, իսկ այսօր և հետագայում դրանք ավելի կկոնկրետանան:


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• «Անկախ քաղաքական գործընթացներից, տնտեսությունը պետք է կայունություն դրսևորի և ապահովի հանրության բնականոն կենսագործունեությունը»․ Արսեն Ղազարյան• ՀԱԳՄ նախագահ Արսեն Ղազարյանի շնորհավորական ուղերձը Միության ստեղծման 25-ամյակի առթիվ• «Մենք գտնվում ենք վերելքի ճանապարհին»• ՀԱԳՄ-ում քննարկվեցին հայ-սլովակյան տնտեսական կապերի խորացման հնարավորությունները• ՀԱԳՄ հայտարարությունը ««Տնտեսական մրցակցության պաշտպանության մասին» ՀՀ օրենքում փոփոխություն կատարելու մասին» ՀՀ օրենքի ընդունման առնչությամբ• «Որակակական փոփոխություն պետք է մտցնենք մեր աշխատանքի եղանակների, մեթոդների ու քայլերի մեջ»․ Արսեն Ղազարյան• ՀԱԳՄ անդամների մասնակցությամբ քննարկվեց 2021 թ․ հուլիսի 1-ից աշխատանքային օրենսդրության կիրարկման նկատմամբ պետական վերահսկողությունը• Հայաստանի արհմիությունների կոնֆեդերացիան շնորհավորական ուղերձ է հղել «Գործարարի օրվա» առթիվ• ՆՇՎԵՑ ԳՈՐԾԱՐԱՐԻ ՕՐԸ

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center