' /> Ինչու՞ մեր բուհերը չեն պատրաստում որակյալ ու անհրաժեշտ մասնագետներ - Umba.am

Ինչու՞ մեր բուհերը չեն պատրաստում որակյալ ու անհրաժեշտ մասնագետներ

28 հունիսի 2012 | | Լուրեր, 2012

“Այսօր աշխատաշուկայում կա մեծ անհամաչափություն առաջարկի ու պահանջարկի միջև: Մեր տնտեսության ռեալ սեկտորը մեծ կարիք ունի որակյալ մասնագետների”,- այսօր լրագրողների հետ հանդիպմանը իր կարծիքը հայտնեց Հայաստանի արդյունաբերողների և գործարարների միության տնօրեն Էդուարդ Կիրակոսյանը' խոսելով Հայաստանի աշխատաշուկայում առկա առաջարկի ու պահանջարկի անհամապատասխանության մասին:

Բանախոսը, չբացառելով նաև գործատուների մեղքը, հիմնականում մեղադրում է ուսումնական հաստատություններին, որոնք, ըստ նրա, պատրաստում են կադրեր' հաշվի չառնելով տնտեսության պահանջարկը:

“Ցանկացած բուհում պատրաստում են մեծ թվով իրավաբաններ, տնտեսագետներ, բանկային աշխատողներ, բայց մենք այսօր ունենք ինջեներների, տեղեկատվական տեխնոլոգիաների գծով մասնագետների պահանջարկ, ինչպես նաև որակյալ վարորդների, փականագործների, խառատների պահանջարկ”,- նշեց բանախոսը:
Կիրակոսյանը կարծում է, որ եթե քայլեր չձեռնարկենք, շատ կադրերի պահանջարկն ավելի կմեծանա, բացի այդ, նշեց, որ այսօր մեր բուհերը պատրաստում են դիպլոմավոր գործազուրկներ. “Պետք է այնպես անենք, որ այս երկու համակարգերը' ուսումնական հաստատություններն ու բիզնեսը, աշխատեն միասին”:

Է. Կիրակոսյանի դիտարկմամբ' մոտ ապագայում ատոմային ֆիզիկայի, քիմիայի, արդյունաբերական ոլորտի մասնագետների խիստ կարիք կզգացվի:

Ասուլիսի մյուս բանախոս, «Երիտասարդների մասնագիտական կողմնորոշման կենտրոն» ՊՈԱԿ-ի տնօրեն Հայկուհի Գևորգյանն էլ խնդրի առաջացման պատճառները գտավ հասարակության մեջ' շեշտելով սխալ մասնագիտություն ընտրելու հանգամանքը. “Մարդիկ շատ հաճախ ընտրում են մասնագիտություններ' պատկերացում չունենալով տվյալ ոլորտի մասին, տեղյակ չլինելով ոլորտի նորություններին: Մասնագիտություն ընտրելիս ընկնում են «մոդայի հետևից» կամ հետևում են ծնողների հորդորներին, ովքեր հաճախ ցանկանում են իրենց երեխայի մասնագիտության մեջ տեսնել իրենց երբեմնի չիրականացած երազանքը”:

Հ. Գևորգյանը նկատում է, որ մասնագիտության ընտրությումը մեկ օրվա կամ մեկ ժամվա խնդիր չէ, մասնագիտության ընտրության համար տարվող աշխատանքները պետք է սկսել դեռևս տարրական դպրոցից, մինչդեռ մեզանում մասնագիտական կողմնորոշման աշխատանքներ չեն իրականացվում:

Բանախոսը ավելի շատ կարևորում է աշխատողի անձնային որակները, քան մասնագիտական պատրաստվածությունն ու աշխատանքային փորձը. “Գործատուն պատրաստ է ժամանակի ընթացքում լրացուցիչ վճարել իր աշխատողի համար մասնագիտական գիտելիքներ ձեռք բերելու նպատակով ու ստանալ հենց այն մասնագետը, որի կարիքն ունի ինքը, և ահա թե ինչու նրա համար առավել կարևոր է, որ աշխատողը անձնային բարձր որակներ ունենա ու, իհարկե, կարողություններ և պատրաստակամություն' օգտվելու իր տրամադրած ռեսուրսներից”:

Վահե Մակարյան


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• Քննարկվեցին հայ-ռուսական տնտեսական հարաբերությունների հետագա խորացման hնարավորությունները• «Անկախ քաղաքական գործընթացներից, տնտեսությունը պետք է կայունություն դրսևորի և ապահովի հանրության բնականոն կենսագործունեությունը»․ Արսեն Ղազարյան• ՀԱԳՄ նախագահ Արսեն Ղազարյանի շնորհավորական ուղերձը Միության ստեղծման 25-ամյակի առթիվ• «Մենք գտնվում ենք վերելքի ճանապարհին»• ՀԱԳՄ-ում քննարկվեցին հայ-սլովակյան տնտեսական կապերի խորացման հնարավորությունները• ՀԱԳՄ հայտարարությունը ««Տնտեսական մրցակցության պաշտպանության մասին» ՀՀ օրենքում փոփոխություն կատարելու մասին» ՀՀ օրենքի ընդունման առնչությամբ• «Որակակական փոփոխություն պետք է մտցնենք մեր աշխատանքի եղանակների, մեթոդների ու քայլերի մեջ»․ Արսեն Ղազարյան• ՀԱԳՄ անդամների մասնակցությամբ քննարկվեց 2021 թ․ հուլիսի 1-ից աշխատանքային օրենսդրության կիրարկման նկատմամբ պետական վերահսկողությունը• Հայաստանի արհմիությունների կոնֆեդերացիան շնորհավորական ուղերձ է հղել «Գործարարի օրվա» առթիվ

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center