Օրենսդրական դաշտն ու հանրային քաղաքականությունն ուղղված են ներդրումների ներգրավմանը

18 նոյեմբերի 2022 | | Լուրեր, 2022

Գործարար և ներդրումային միջավայրերը գնահատող միջազգային ցուցանիշներով՝ Հայաստանը վերջին մի քանի տարիների ընթացքում լավ արդյունքների է հասել։ Մեր երկիրը ներդրողներին տալիս է բազմաթիվ հնարավորություններ, օրենսդրական դաշտն ու հանրային քաղաքականությունը նույնպես ուղղված են ներդրումների ներգրավմանը։ ԱՄՆ Պետդեպարտամենտի հրապարակած՝ 2021 թվականի ներդրումային կլիմայի զեկույցում Հայաստանին վերաբերող այս գնահատականները, նոյեմբերի 18-ին «Արմենիա Մարիոթ Երևան» հյուրանոցում կայացած «Ինչպե՞ս կառուցել բիզնես ԵԱՏՄ-ում ներկա պայմաններում» գործարար երկխոսության ժամանակ ներկայացրեց Հայաստանի արդյունաբերողների և գործարարների միության փոխնախագահ Արմեն Մարտիրոսյանը։ Ըստ այդմ՝ Հայաստանում օտարերկրյա վերահսկողության, մասնավոր սեփականության իրավունքների և կազմակերպությունների նկատմամբ սահմանափակումները քիչ են։ Օտարերկրյա քաղաքացիների համար Հայաստանում բիզնես ձեռք բերելու, հիմնելու կամ ղեկավարելու իրավունքի սահմանափակումներ չկան:

Պարզեցված է բիզնեսի գրանցման ընթացակարգը։ Հայաստանը չի սահմանափակում փողի փոխանակումն ու փոխանցումը կամ կապիտալի ու եկամուտների «հայրենադարձությունը»։ Երկրում բանկային համակարգը կայուն է և լավ կանոնակարգված: Շարունակվում է հակակոռուպցիոն արշավը՝ որպես համակարգային կոռուպցիայի վերացմանն ուղղված ջանքերի մի մաս:

Զեկույցում նշվել է նաև, որ չնայած որոշ ոլորտների բարելավումներին, որոնք Հայաստանն ավելի գրավիչ են դարձնում որպես ներդրումային ուղղություն, ներդրողները պնդում են, որ դեռ կան մարտահրավերներ, որոնք պետք է լուծվեն՝ ապահովելու համար թափանցիկ, արդար և կանխատեսելի բիզնես միջավայր: Խնդիրները ներառում են Հայաստանի փոքր շուկան, սպառողների ցածր գնողունակությունը, թույլ դատական ​​համակարգը, ժառանգած կոռուպցիան: Զեկույցի համաձայն՝ 2020 թվականին COVID-19-ը և ինտենսիվ պատերազմական գործողություններն ազդել են Հայաստանի տնտեսական աճի և ներդրումային բնութագրի վրա։ Երկրում ֆինանսական հատվածի զարգացման անհրաժեշտություն նույնպես կա։

Արմեն Մարտիրոսյանի ներկայացմամբ՝ Հայաստանի օրենսդրությունը նախատեսում է մտավոր սեփականության իրավունքների պաշտպանություն, սակայն դրա իրականացմանն ուղղված ջանքերը և դատարան դիմելու գործընթացը բարելավման կարիք ունեն։ Պահանջվում են ավելի լայն բարեփոխումներ դատական, հարկային, մաքսային, բժշկական, կրթական, ռազմական և իրավապահ հաստատություններում:

ՀԱԳՄ փոխնախագահն անդրադարձավ նաև այն արտոնություններին, որոնք Հայաստանը տրամադրում է օտարերկրյա ներդրողներին, երկրում առկա բարձրակարգ մասնագետների առկայությանը, կրթական համակարգին, սփյուռքի հայ համայնքների դերակատարությանը, ներդրումներին նպաստող այլ գործոններին։

«Ինչպե՞ս կառուցել բիզնես ԵԱՏՄ-ում ներկա պայմաններում» գործարար երկխոսությունն անցկացվեց «Եվրասիական տնտեսական միության երկրների տնտեսական անվտանգությունն ու կայունությունը․ հնարավորություններ պետության և բիզնեսի համար» խորագրով միջազգային համաժողովի շրջանակներում, որը Երևանում մեկնարկել էր նախօրեին։ Կազմակերպիչներն են Եվրասիական տնտեսական հանձնաժողովը և Միջպետական բանկը՝ «Ալֆա» կորպորացիայի մասնակցությամբ։

   
Թեգեր՝

Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• Աշխատանքային հարաբերությունները կարգավորող իրավական դրույթները պարզաբանող ձեռնարկ• Խորհրդածություններ ազգային ինքնության մասին• Հայաստանի արդյունաբերողների և գործարարների միության նախագահ Արսեն Ղազարյանի ամանորյա ուղերձը• «Հայ և իրանցի գործարարներն անգամ լիարժեք չգիտեն միմյանց ներուժի ու կարողությունների մասին»․ ՀԱԳՄ նախագահ• Համագործակցության հուշագիր՝ ՀԱԳՄ-ի և Հայաստանի ներդրումային խորհրդի միջև• «Տնտեսության մեջ մրցակցայնության և արդյունավետության բարձրացումն անհնար է առանց առաջատար տեխնոլոգիաների կիրառման»․ Արսեն Ղազարյան• Քննարկվեցին հայ-ռուսական գործարար կապերի զարգացման և ռիսկերի կառավարման հարցեր• Հայ-լիտվական գործարար համաժողով և ցուցահանդես Երևանում• Թափոնների կառավարում․ քննարկվեցին արտադրողի ընդլայնված պատասխանատվության համակարգի ներդրման հեռանկարները Հայաստանում

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center