«Գործարարները ցանկացած իրավիճակում պետք է ելքեր գտնեն աշխատելու, տնտեսությունն աշխուժացնելու համար» - Արսեն Ղազարյան

28 սեպտեմբերի 2022 | | Լուրեր, 2022

Հայ-չեխական տնտեսական կապերի հետագա խորացման հնարավորությունները քննարկվեցին Հայաստանի արդյունաբերողների և գործարարների միության նախագահ Արսեն Ղազարյանի և Չեխ-միջինասիական առևտրի պալատի նախագահ Իրժի Նեստավալի՝ սեպտեմբերի 28-ին տեղի ունեցած հանդիպման ժամանակ։

ՀԱԳՄ նախագահը, ծանոթացնելով Միության գործունեության ուղղություններին, հյուրին ներկայացրեց Հայաստանում առկա տնտեսական իրավիճակը, օրենսդրական դաշտը, ներդրումային հնարավորությունները։ «Չեխիայի հետ ժամանակին ունեցել ենք ակտիվ առևտրատնտեսական կապեր, կազմակերպվել են համատեղ գործարար համաժողովներ։ Թեև ստեղծված նոր իրողությունները որոշակի բարդություններ են առաջ բերել, սակայն մենք՝ գործարարներս, ցանկացած իրավիճակում պետք է ելքեր գտնենք աշխատելու, տնտեսությունն աշխուժացնելու համար»,-նշեց Արսեն Ղազարյանը։ Նրա գնահատմամբ՝ կան լավ հնարավորություններ հայ-չեխական առևտրատնտեսական կապերին հետագա աշխուժացում հաղորդելու համար։

Շնորհակալություն հայնելով ջերմ ընդունելության համար՝ Իրժի Նեստավալը նշեց, որ Հայաստան իր այցի նպատակն է ծանոթանալ տեղում առկա գործարար և տնտեսական իրավիճակին, ստեղծել իրական նախագծեր՝ կապված եվրոպական ու հայկական ընկերությունների արտադրանքի ներմուծման ու արտահանման, հայ-չեխական ​​միջազգային առևտրի կենտրոնի ստեղծման նախապատրաստական աշխատանքների համար։ Ի դեպ, նման կենտրոնի ստեղծման մասին համաձայնագիր օրերս կնքվել է Չեխ-միջինասիական առևտրի պալատի և «Սոգլասիե-Արմենիա» ընկերության միջև։ Վերջինիս գործադիր տնօրեն Ավետ Ադոնցը հանդիպման մասնակից գործարարներին ներկայացրեց առաջիկայում ստեղծվելիք կենտրոնի գործունեության նպատակներն ու առաջնահերթությունները, հույս հայտնելով, որ ՀԱԳՄ-ի հետ սերտ համագործակցություն կհաստատվի։

Կողմերն անդրադարձան այն բնագավառներին, որոնցում փոխգործակցության հեռանկարներ կան, այդ թվում՝ տեղեկատվական տեխնոլոգիաների, շինարարության, գինեգործության, բեռնափոխադրումների, թեթև և սննդի արդյունաբերությունների, առևտրի ոլորտներում, քննարկվեցին համատեղ տարածաշրջանային ծրագրեր իրականացնելու հնարավորությունները։

 

Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• Օրենսդրական դաշտն ու հանրային քաղաքականությունն ուղղված են ներդրումների ներգրավմանը• Հայ-լիտվական գործարար համաժողով և ցուցահանդես Երևանում• Թափոնների կառավարում․ քննարկվեցին արտադրողի ընդլայնված պատասխանատվության համակարգի ներդրման հեռանկարները Հայաստանում• «Հայաստանն արտահանման առումով ունի երկու գլխավոր խնդիր՝ մեծ ծավալների բացակայություն և որակ»․ ՀԱԳՄ նախագահ• «Մասնավոր-պետություն երկխոսությունը երկուստեք շահեկան է, որում ծնվող արդունքները ծառայում են տնտեսական մթնոլորտի բարելավմանը» - Արսեն Ղազարյան• Բաշկորտոստանի գործարարների պատվիրակությունը հյուրընկալվեց ՀԱԳՄ-ում• Մենք գործիքներ ունենք՝ թուրքական տնտեսական էքսպանսիային դիմադրելու. Արսեն Ղազարյան• «Հայաստանը բոլոր հիմքերն ունի առողջապահական տուրիզմի և դեղագործության տարածաշրջանային կենտրոն դառնալու համար» Արսեն Ղազարյան• Հայ գործարարների պատվիրակությունը ճանաչողական այցով եղավ Լիտվայում

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center