«Մեր գերակա խնդիրներից է աջակցել արտերկրի գործարարներին ինտեգրվել ու հաստատվել Հայաստանում». Արսեն Ղազարյան

09 ապրիլի 2022 | | Լուրեր, 2022
Թեգեր՝

Հայ-իրանական առևտրատնտեսական համագործակցության առկա իրավիճակն ու զարգացման հեռանկարները քննարկվեցին Հայաստանի արդյունաբերողների և գործարարների միության նախագահ Արսեն Ղազարյանի և ՀՀ-ում Իրանի Իսլամական Հանրապետության դեսպանության առևտրի կցորդ Աբգար Գոդարի՝ ապրիլի 8-ին կայացած հանդիպման ժամանակ։

Հյուրի խնդրանքով ՀԱԳՄ նախագահը ներկայացրեց Միության գործունեության ուղղությունները` ընդգծելով, որ առաջնահերթ խնդիրներից է երկրի միջազգային տնտեսական կապերի ընդլայնումը, համատեղ ներդրումային ծրագրերի իրականացումը, շուկաների ընդլայնումը։

Արսեն Ղազարյանի խոսքով՝ Հայաստանի անկախության հենց առաջին օրերից Իրանի Իսլամական Հանրապետությունը մեզ համար եղել է առաջնահերթ տնտեսական գործընկերներից մեկը, և այժմ էլ առկան են բազմաթիվ չիրացված հնարավորություններ, որոնց իրականացմամբ կարելի է մի քանի անգամ մեծացնել փոխադարձ առևտրատնտեսական ցուցանիշերը։ ՀԱԳՄ նախագահը հատկապես շեշտադրեց իրանական գործարարների մասնակցությամբ Հայաստանում համատեղ արտադրություններ հիմնելու կարևորությունը, որոնք կբավարարեն ոչ միայն տեղական, այլև արտերկրի շուկաներում առկա պահանջարկը։ Այս առումով լայն հեռանկարներ կան թե՛ ԵԱՏՄ շրջանակներում, թե՛ այլ տարածաշրջաններում, ինչին կնպաստի նաև Հայաստանի՝ որպես տարանցիկ երկրի դերակատարությունը։  Նա, մասնավորապես, կարևորեց այնպիսի ծրագրերի իրականացումը, ինչպիսիք են հայ-իրանական սահմանին ազատ տնտեսական գոտու գործունեությունը, նավթի վերամշակման ձեռնարկությունների հիմնումը, ճանապարհաշինական նախագծերը, Իրան-Հայաստան երկաթգծի կառուցումը։  

«Մեր գերակա խնդիրներից է աջակցել արտերկրի գործարարներին ինտեգրվել ու հաստատվել Հայաստանում», - նշեց Արսեն Ղազարյանը` հավելելով, որ ժամանակն է բարելավելու «Օտարերկրյա ներդրումների մասին» ՀՀ օրենքը։ ՀԱԳՄ նախագահն առաջարկեց առաջիկայում Երևանում կազմակերպել հայ-իրանական ներդրումային համաժողով՝ համագործակցության առկա ներուժը գործարարների մասնակցությամբ անմիջականորեն քննարկելու, գործնական հնարավորություններն ի մի բերելու նպատակով։

Շնորհակալություն հայտնելով ընդունելության և իրավիճակի հանգամանալի վերլուծության համար, Աբգար Գոդարին անդրադարձավ այն դրական օրինակներին, որոնք մինչ այս արձանագրվել են երկկողմ տնտեսական համագործակցության արդյունքում։ Նրա խոսքով՝ իրանցի գործարարների շրջանում մեծ է հետաքրքրությունը Հայաստանում գործունեություն ծավալելու առումով, սակայն, ըստ դիվանագետի, առկա չէ բավարար տեղեկացվածություն, կողմերը ծանոթ չեն եղած ներուժին, իրավական ու տնտեսական համակարգերին, ինչի ուղղությամբ աշխատանք կա անելու։ Այս առումով՝ նա արժևորեց Հայաստանի արդյունաբերողների և գործարարների միության գործունեությունը՝ որպես կապող և ուղղորդող օղակի։ «Մեր խնդիրն է գործարարներին փոխադարձ ծանոթացնել եղած տնտեսական ներուժին և, եթե բարդություններ են առաջանում, աջակցել դրանց լուծմանը», - նշեց ՀՀ-ում ԻԻՀ դեսպանության առևտրի կցորդը։ Նա կարևորեց հայ-իրանական ներդրումային համաժողով կազմակերպելու առաջարկը։

Կողմերը պայմանավորվեցին նման հանդիպումներ ունենալ պարբերաբար։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• ՀԱԳՄ նախագահը կարևորել է պետություն-մասնավոր հատված արդյունավետ երկխոսության հարթակների կատարելագործումը• Կայացավ Ռիչարդ Թեյլերի «Սխալ վարքագիծ» գրքի շնորհանդեսը• «Առևտրաարդյունաբերական ցուցահանդեսները տնտեսության հայելին են». Սուրեն Նազինյան• Երեւանում բացվել է «Կրթություն և կարիերա EXPO 2022» ցուցահանդեսը• Նոր համաձայնագիրը կնպաստի հայ-չինական տնտեսական համագործակցության ընդլայնմանը• Նախապատրաստական աշխատանքներ՝ Կանտոնի տոնավաճառին ընդառաջ• Նախագահ Վահագն Խաչատուրյանը հանդիպել է Հայաստանի արդյունաբերողների և գործարարների միության նախագահ Արսեն Ղազարյանի հետ• ՀՀ էկոնոմիկայի նախարարը հանդիպում է ունեցել Հայաստանի արդյունաբերողների և գործարարների միության նախագահ Արսեն Ղազարյանի հետ• «Այս փուլում մեր դիրքորոշումը պետք է լինի ոչ թե առավելագույն օգուտներ քաղելը, այլ հնարավորինս մեր միջազգային գործընկերներին աջակցելը»․Արսեն Ղազարյան

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center