Համագործակցում են հայ և լիտվացի տեքստիլագործները

12 փետրվարի 2022 | | Լուրեր, 2022
Թեգեր՝

«Կանաչ տեքստիլ Եվրոպայի կայուն տնտեսության համար» ծրագիրը մեկնարկել է 2021 թվականի դեկտեմբերի 1-ից, որն իրականացվում է Հայաստանի արդյունաբերողների և գործարարների միության ու Լիտվայի Հագուստի և տեքստիլ արդյունաբերության ասոցիացիայի կողմից։ Ծրագիրի նպատակն է նպաստել Հայաստանի տեքստիլ ոլորտի ՓՄՁ-ների մրցակցային կարողությունների հզորացմանը, բարելավել շուկաների հասանելիությունը, խթանել Հայաստանի, Լիտվայի, ինչպես նաև ԵՄ շուկայի տեքստիլ ոլորտի ՓՄՁ-ների միջև կապերը։

Առաջին փուլով նախատեսված է անհրաժեշտ տեղեկատվության փոխանակում, հանդիպումներ ու գործարար կապերի ստեղծում, ինչին կհաջորդի համատեղ գործակցությունը։ Նախապատրաստական աշխատանքների մեկնարկը տրվեց փետրվարի 11-ին՝ Հայաստանի արդյունաբերողների և գործարարների միությունում կայացած կլոր սեղան-սեմինարով, որին մասնակցեցին, ինչպես նաև հեռավար կապով հետևեցին ծրագրի շահառու հանդիսացող կազմակերպությունները։

Նշվեց, որ թեև գրեթե Հայաստանի չափ բնակչություն ունեցող Լիտվայում ապրում է Եվրամիության բնակչության ընդամենը 0,5 տոկոսը, այդուհանդերձ, ԵՄ անդամ 28 երկրների շարքում տեքստիլի և հագուստի ոլորտում այն զբաղեցնում է 13-րդ տեղը։ Լիտվայում ոլորտի շրջանառությունը կազմում է 941 միլիոն եվրո, արտահանումը՝ 815 միլիոն եվրո։ Այս առումով լիտվացի գործարարների փորձը կարող է շահեկան լինել հայ գործընկերների համար, զարգացնել տեղական ՓՄՁ-ների կարողությունները։

Հայկական և լիտվական ՓՄՁ-ների միջև գործարար կապերը կիրականացվեն B2B ձևաչափով։ Կլինեն ինչպես առկա, այնպես էլ առցանց հանդիպումներ։ Գործընկեր երկրներում կկազմակերպվեն Հայաստանի և Լիտվայի թեթև արդյունաբերության ոլորտի արտադրանքի ցուցադրություն, գործարար հանդիպումներ և աշխատաժողովներ։

Առաջիկա մարտին նախատեսվում է Լիտվայի գործարարների պատվիրակության այցը Հայաստան, իսկ ապրիլին ՀԱԳՄ պատվիրակությունը կմեկնի Լիտվա: Այս այցերի շրջանակներում կատարված աշխատանքի արդյունքում ակնկալվում է ունենալ կնքված հուշագրեր ու պայմանագրեր:

Ձեռք բերված արդյունքները շարունակական դարձնելու նպատակով կստեղծվի Լիտվայի և Հայաստանի թեթև արդյունաբերության ոլորտի գործարարների էլեկտրոնային տեղեկատվական հարթակ, որը կօգնի համապատասխանեցնելու ներգրավված ընկերությունների առաջարկը և պահանջարկը, կմշակվի նաև «Արտահանողի ուղեցույց» ձեռնարկը: ՀԱԳՄ գործադիր տնօրեն Էդուարդ Կիրակոսյանը հավաստիացրեց, որ Միությունը պատրաստ է զորակցել ծրագիրը շարունակական դարձնելու համար։

   

Անուն*
Ձեր էլ. հասցեն*
Ուղարկվող էլ. հասցեն*
 

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center