«Տնտեսական մրցակցության պաշտպանության մասին» օրենքում փոփոխություն կատարելու մասին» ՀՀ օրենքի նախագիծը ոչ միանշանակ է ընդունվում մասնագիտական շրջանակների կողմից

11 փետրվարի 2021 | | Լուրեր, 2021
Թեգեր՝

ՀՀ Ազգային ժողովում առաջին ընթերցմամբ ընդունված «Տնտեսական մրցակցության պաշտպանության մասին» օրենքում փոփոխություն կատարելու մասին» ՀՀ օրենքի նախագիծը շարունակում է բուռն քննարկումների ու վերլուծությունների ենթարկվել, դրանում ներառնված դրույթները ոչ միանշանակ են ընդունվում ձեռնարկատիրությամբ զբաղվողների ու մասնագիտական շրջանակների կողմից։

Օրենքի հերթական քննարկումը փետրվարի 10-ին տեղի ունեցավ Հայաստանի արդյունաբերողների և գործարարների միությունում՝ վերջինիս անդամների ու մասնագիտացված փորձագիտական կառույցների ներկայացուցիչների մասնակցությամբ։ Հանգամանալի ներկայացվեցին նախագծում տեղ գտած բոլոր այն կետերը, որոնք ոչ միայն չեն բարելավում տնտեսվարողների ազատ մրցակցային գործունեության պայմանները, այլև լրացուցիչ խոչընդոտներ են ստեղծում՝ տնտեսական դաշտում ավելացնելով ևս մեկ պատժիչ մարմին։ Նշվեց, որ միջազգային մի շարք երկրների օրենսդրությունից մեխանիկորեն վերցված գործիքակազմը ներառելով՝ հաշվի չեն առնված հայրենական տնտեսության առանձնահատկությունները։ Արձանագրվեց, որ նախագծում պարունակվող նորմերը սահմանում են տնտեսական մրցակցության պաշտպանության ոլորտի նոր կարգավորումներ, որոնք անհանգստացնող են գործարար համայնքի համար: Դրանք Մրցակցության պաշտպանության պետական հանձնաժողովին օժտում են աննախադեպ լայն՝ պատժելու, արգելելու, բռնագանձելու լիազորություններ, ինչպես նաև այդպիսի գործառույթի համար ծավալուն և չարդարացված իրավական փաստերի նոր համակարգ:

Հաշվի առնելով, որ նախագիծը սահմանում է նոր հայեցակարգ տնտեսական մրցակցության օրենսդրական կարգավորման համար, ինչի ընդունումն, իրավամբ, կխաթարի ազատական տնտեսության ընթացքը, մասնավորապես հետհամավարակային և հետպատերազմական Հայաստանում, ՀԱԳՄ անդամները որոշեցին շարունակել աշխատանքը օրենսդիր և գործադիր մարմինների հետ՝ խնդրո առարկա նախագծի հետագա ընթացքը քննարկելու ուղղությամբ։

Հիշեցնենք, որ Հայաստանի արդյունաբերողների և գործարարների միության նախագահ Արսեն Ղազարյանը հունվարի 30-ին նամակով դիմել էր ՀՀ ԱԺ նախագահ Արարատ Միրզոյանին՝ «Տնտեսական մրցակցության պաշտպանության մասին» օրենքում փոփոխություն կատարելու մասին» ՀՀ օրենքի նախագիծն Ազգային ժողովի յոթերորդ գումարման վեցերորդ նստաշրջանի օրակարգում չներառելու ակնկալիքով՝ այն մինչ երկրորդ ընթերցմամբ ընդունելը հանրային ու մասնագիտական լայն քննարկման դնելու նպատակով։


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• ՀԱԳՄ-ն վշտացած է Միության նախագահության նախկին անդամ Սերգո Կարապետյանի մահվան կապակցությամբ• Մինչ ամբողջական ընդունումը, «Տնտեսական մրցակցության պաշտպանության մասին» օրենքում փոփոխություն կատարելու մասին» օրենքի նախագիծը պետք է անցնի հանրային քննարկումների փուլ․ ՀԱԳՄ• Ծանր ու դժվար աշխատանքների տարի է լինելու• Ինչպես զարգացնել հետպատերազմյան տնտեսությունը• Ադրբեջանի հետ երկաթուղային հաղորդակցության վերագործարկումից մեծ ակնկալիքներ պետք չէ ունենալ․ Գագիկ Աղաջանյան• ՀԱԳՄ-ում քննարկվեց երկրում ստեղծված սոցիալ-տնտեսական իրավիճակը• Վարչապետ Փաշինյանը շարունակում է հանդիպումները գործարար դաշտի ներկայացուցիչների հետ• «Գործարարները պետք է փորձեն պահպանել տնտեսությունը, զարգացնել, լուծումներ առաջարկել»․ Արսեն Ղազարյան• ՀՀ վարչապետ Նիկոլ Փաշինյանը հանդիպել է ՀԱԳՄ նախագահ Արսեն Ղազարյանի հետ

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center