Գործարարներն են պետության և տնտեսության հիմքը. պետք է հասկանալ՝ ինչով կարող ենք օգտակար լինել

23 օգոստոսի 2020 | | Լուրեր, 2020
Թեգեր՝

Հայաստանի խոշոր արդյունաբերողները և գործարարներն օրեր առաջ հանդիպում են ունեցել ՀՀ վարչապետ Նիկոլ Փաշինյանի, ապա Ազգային ժողովի նախագահ Արարատ Միրզոյանի հետ: Հանդիպման նախաձեռնողը եղել է գործարար համայնքը: Թեմայի շուրջ 1in.am-ը զրուցել է «Ֆիլիպ Մորրիս Արմենիա» ընկերության արտաքին հարցերով, գիտական ներգրավման ու նորարարությունների գծով կառավարիչ Վահե Դանիելյանի հետ:

Անդրադառնալով գործարար համայնքին ամենաշատը մտահոգող խնդիրներին՝ Դանիելյանն ասաց, որ քննարկվել են գործարարության ֆունդամենտալ հարցեր, որոնք  եղել են բազմազան, գլոբալ, համայնքի ամեն մի անդամ բարձրաձայնել է իր ոլորտին առնչվող մի շարք խնդիրներ:

«Բոլոր հարցերը, այնուամենայնիվ, միտված էին մի գաղափարի. եթե խոսում ենք այն մասին, որ գործարար համայնքը շահույթին ուղղված արժեշղթա ձևավորող բիզնեսներ են, ապա ինքնին պետականամետ կառույցներ են, քանի որ դա է պետության և տնտեսության հիմքը: Հետևաբար հարց է ծագում՝ ինչով կարող ենք օգտակար լինել, ինչ հարթակ պետք է ձևավորել, որպեսզի ստեղծվի երկխոսություն՝ պետության և գործարար համայնքի միջև»:
 
Վահե Դանիելյանի խոսքով՝  նման հարթակի ստեղծումը հնարավորություն կտա քննարկել ռազմավարական հարցեր, վեր հանել երկխոսությանն առնչվող  խնդիրներ, իսկ ամենակարևորն էլ թեպետ այն է, որ նման պլատֆորմը ապագայում կարող է դառնալ հենարան պետության համար: Մեր զրուցակիցը կարծում է, որ վերոնշյալ հանդիպումով դրվեցին նման պլատֆորմի ձևավորման հիմքերը:

«Հիացած էինք հանդիպումով, մեզ համար բացահայտեցինք մի նոր Ազգային ժողով, նոր Ազգային ժողովի նախագահ և հանձնաժողովի նախագահներ, որոնք հետաքրքրված են այս ամենով… Կարծես թե պայմանավորվածություն ձեռք բերվեց, որ այս ձևաչափով հանդիպումները պետք է շարունակվեն»:

Դանիելյանը շեշտեց, որ պետք է հաշվի առնել այն հանգամանքը, որ այսօր ձևավորվում է նոր տնտեսություն, ինստիտուցիոնալ նոր համակարգ, ուստի շատ նորմալ է, որ գործադիր իշխանությունները ինչ-ինչ մտավախություններ ունեն: Նրա խոսքով՝ կառավարությանն ուղղված հինական մեսիջը եղել է այն, որ էկոնոմիկայի հենքում ընկած է խոշոր գործարարությունը, այդ պատճառով էլ վերջինիս հետաքրքրող հարցերի, խնդիրների լուծման միջոցով ձևավորվում է ապագա զարգացման հենքը:

«Այսօր խոշոր բիզնեսը պետության մի մասն է, բիզնեսի վարքագիծը պետք է ուղղված լինի հասարակության, պետության զարգացմանը: Զարգացնելով բզինեսը՝ զարգացնում ենք պետությունը, հասարակությունը»,-ընդգծեց մեր զորւցակիցը՝ հավելելով, որ պետք է ձևավորել այնպիսի մի մոդել, որը փոխադարձ շահավետ կլինի պետության, հասարակության ու բիզնեսի համար:

Վահե Դանիելյանը կարծում է, որ տնտեսական հարցերով միջազգային գործընկերների հետ հարաբերվելիս բոլոր որոշումների  հենքում պետք է լինի Հայաստանի ազգային շահը և գործարարության հետաքրքրությունը:

«Պետք է զարգացնել բիզնեսի այն ձևերը, որոնք զարգացնում են նաև հասարակությանը: Այսինքն, չզբաղվել միայն առևտրով, նաև զբաղվել գիտահետազոտական աշխատանքներով, զարգացնել հասարակությունը, մարդկային կապիտալի որակը»:

Հանդիպմանը քննակվել է նաև տնտեսությանը վերաբերող օրենսդրական փոփոխությունների հարցը: Այս համատեքստում Վահե Դանիելյանը շեշտեց, որ գործարար համայնքը պատրաստակամություն է հայտնել դառնալ ինչ-որ չափով «փորձադաշտ» նոր մոտեցումների, մոդելների համար:   Այն դիտարկմանը, որ 2018թ. հեղափոխությունից հետո տնտեսության զարգացման համար կարևոր նախադրյալներից էր ազատ և մրցակցային տնտեսական հարաբերությունները և հարցին՝  կարելի՞ է ասել, որ ի սպառ վերացել են արհեստական խոչընդոտները, հովանավորչությունը, մեր զրուցակիցը պատասխանեց՝ բիզնեսը նոր շունչ է ապրում, նոր հնարավորություններ ստանում:

«Եթե խոսենք մեր բիզնեսի մասին, մենք վերազգային ընկերություն ենք, ուստի մեր ընթացակարգերը, մեխանիզները մեզ ապահովել են զերծ մնալ այդ ամեն ինչից․ լրիվ թափանցիկ բիզնես, լրիվ թափանցիկ երկխոսություն ցանկացած պետության հետ»:

Խոսելով կորոնավիրուսի համավարակի հետևանքով տնտեսության կրած վնասների մասին՝ Դանիելյանն ասաց, որ ազդեցությունը շատ մեծ է:

«Չունենք տուրիզմ, ռեստորանային սպասարկումների բիզնեսը կանգնած է, շղթան հասնում է մինչև գյուղատնտեսություն: Այս խնդիրը փոխում է աշխարհի սպառման վարքագիծը, ուստի շատ կարևոր է հասկանալ՝ ինչպես կարող է մեր հասարակությունը, առաջին հերթին բիզնեսը ադապտացվել նոր պայմաններին:  Այստեղ չափազանց կարևոր է մարդկային կապիտալի որակը, կրթությունը, պրոֆեսիոնալ կադրերի պատրաստումը և իհարկե նոր տեխնոլոգիաների ներդրումը»,-եզրափակեց Վահե Դանիելյանը՝ հավելելով, որ այսօր Հայաստանում բիզնեսի զարգագացման համար որևէ  խոչընդոտ չկա:


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• Գագիկ Աղաջանյանը պարգևատրվեց ՀԱԳՄ ոսկե մեդալով և պատվոգրով• Քննարկվեցին հայ-իրանական տնտեսական գործակցության հետագա խորացման հնարավորությունները• Երևանում մեկնարկեց «Armenia Expo 2021» 20-րդ միջազգային ունիվերսալ արդյունաբերական ցուցահանդեսային ֆորումը• Գործարարները քննարկեցին կորոնավիրուսի դեմ պատվաստումներին և թեստավորմանն առնչվող խնդիրներ• ՀԱԳՄ ներկայացուցիչները քննարկել են առողջապահական ապահովագրության համակարգի ներդրմանն առնչվող հարցեր• ՀԱԳՄ պատվիրակությունը հանդիպեց ՀՀ ֆինանսների նախարար Տիգրան Խաչատրյանի հետ• ՀԱԳՄ անդամները հանդիպեցին ՀՀ էկոնոմիկայի նախարար Վահան Քերոբյանի հետ• Քննարկվեց պետություն-մասնավոր երկխոսության միջազգային և հայաստանյան փորձը• Գործատուներին ներկայացվեցին ՀՀ աշխատանքային օրենսդրության նկատմամբ Առողջապահական և աշխատանքի տեսչական մարմնի կողմից լիարժեք վերահսկողություն իրականացնելու օրենսդրական դրույթները

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center