Մեքսիկա – Հայաստան

Օգոստոսի 14-16-ը Մեքսիկայի մայրաքաղաք Մեխիկոյում կայացավ միջազգային ցուցահանդես «MEXIKO ALIMENTARIA FOOD SHOW 2018» խորագրով: Մեր հանրապետությունից, որպես գնորդ (Bayer) ընկերությունների ներկայացուցիչներ մասնակցում էին  Հայաստանի արդյունաբերողների և գործարարների միության ներկայացուցիչ Սուսաննա Խալաթյանը և «Շարոյան Սարյան» («Հալեպ» ապրաքանիշ) ՍՊԸ ընկերության տնօրեն Ալին Մասրլյանը: Մասնակիցները գոհունակությամբ նշեցին ՀՀ արտգործնախարարության և Մեքսիկայում ՀՀ դեսպանի խորհրդական Հայկ Հակոբյանի կազմակերպչական դերի մասին, ինչի շնորհիվ հնարավոր եղավ առաջին անգամ Հայաստանի մասնակցությունը նման պատվավոր միջոցառմանը:

Ցուցահանդեսին մասնակցում էին 22 երկրների պատվիրակներ:  ՀԱԳՄ-ի կողմից ներկայացվեց հայաստանյան «ԻՄԷՔՍ ԳՐՈՒՊ» ֆիրմայի «Մառանիկ» ընկերությունը և «Շահնազարյան» ֆիրմայի արտադրանքը՝ հետագայում ներմուծման ակնկալիքներով:

Տոնավաճառը կազմակերպված էր բարձր մակարդակով, ժամանակակից դիզայնով, ներկայացված էր Մեքսիկայի սննդամթերքի բազմազանությունը՝ թարմ էկզոտիկ մրգեր, բանջարեղեն, կաթնամթերք, յուղեր, պահածոներ, սուրճի տեսակներ, խմիչքներ, ձավարեղեն և լոբեղեն, համեմունքներ և այլն:

Ամբողջ տեսականին ուներ բարձր որակ և համային հատկանիշներ:

Միջոցառումը նախաձեռնել էր Մեքսիկայի գյուղատնտեսության նախարարությունը, իսկ կազմակերպչական աշխատանքները իրականացնում էր իսպանական VSI CONSALTING ընկերությունը: Բարձր մակարդակով կազմակերպված էր տարբեր երկրների պատվիրակների համար հանդիպումների գրաֆիկը (օն լայն գրանցման միջոցով), որը ապահովում էր դյուրին ու արդյունավետ գործընթացը: Ցուրաքանչյուր օրվա համար մշակվում էր անհատական հանդիպումների պլան՝ առավել ճկուն ու նպատակային դարձնելով ամեն հանդիպում:

Մեքսիկաի սննդամթերք արտադրության ընկերությունների մասին բավականին օգտակար ինֆորմացիա է բերվել, որը կարող է օգտակար լինել Միության  կազմակերպությունների համար: Եթե կա հետաքրքրություն այդ շուկաի նկատմամբ, կարող եք դիմել ՀԱԳՄ՝ Սուսաննա Խալաթյանին (հեռ.՝ 091-889-789):