ԱՐԹՈՒՐ ՂԱԶԱՐՅԱՆ. "ԵՍ ԵՐԲԵՔ ՉԵՄ ԱՇԽԱՏՈՒՄ"

26 փետրվարի 2018 | | Լուրեր
Թեգեր՝

Երջանիկ է այն մարդը, ով տնից շտապում է ժամանակին հասնել աշխատանքի, աշխատանքից էլ շտապում է վայրկյան առաջ տուն գնալ: Մայրաքաղաքի սրտում - քաղաքապետարանի հարեւանությամբ գտնվող "ԵՐԵՎԱՆ ՊԼԱԶԱ" բիզնես-կենտրոնի տնօրեն, Հայաստանի արդյունաբերողների եւ գործարարների միության ծրագրերի տնօրեն Արթուր Ղազարյանը, իմ համոզմամբ, հենց այդ մարդկանցից է`"Չաշխատելու համար պետք է սիրահարվես քո աշխատանքին", - համոզված է նա: Եվ այդպես էլ վարվում է իր աշխատանքային գործունեության ողջ ընթացքում: Իսկ աշխատել սկսել է բանակային ծառայությունից անմիջապես հետո, երբ նոր էր բոլորել 21 տարին: Մասնագիտությամբ իրավաբան` նա աշխատում էր Աբովյան քաղաքի դատարանում, երբ ամեն ինչ կտրուկ փոխվեց: 23 տարեկանում որոշեց ընտրել գործունեության միանգամայն նոր ոլորտ, ինչը համարում է կյանքում իր ամենահաջողված որոշումը, որը դուռ բացեց գալիք հաջողությունների համար: "Այն պահին, երբ հասկացա, որ պետք է զբաղվել ոչ միայն այն գործով, ինչը քո մասնագիտությունն է դիպլոմով, ես գտա նաեւ չաշխատելու եւ դրա դիմաց վարձատրվելու միջոցը. սիրահարվում էի այն գործին, որն անում էի: Հենց զգում էի, որ սկսում եմ աշխատել, անմիջապես հեռանում էի, փոխում էի գործս", - հաջողության իր բանաձեւն է ներկայացնում Արթուր Ղազարյանը:

Այսպես նա թողեց իրավաբանի աշխատանքն ու դարձավ միջազգայնագետ: Սկզբում աշխատանքի անցավ USAID-ում, ապա Հայաստանում ՄԱԿ-ի գրասենյակում, այնուհետեւ PricewaterhouseCoopers ճանաչված ընկերությունում, մի քանի տարի եղել է Կանադայի միջազգային զարգացման գործակալության լիազոր ներկայացուցիչը Հայաստանում: Գործակալության լուծարումից հետո Արթուրը հերթական անակնկալը մատուցեց ինքն իրեն` մուտք գործելով միանգամայն այլ ոլորտ եւ հայտնվելով Հայաստանի արդյունաբերողների եւ գործարարների միությունում: Այստեղ որոշ ժամանակ աշխատելուց հետո նրան առաջարկեցին գլխավորել "ԵՐԵՎԱՆ ՊԼԱԶԱ" բիզնես-կենտրոնը, եւ արդեն 4 տարի նա այդ կենտրոնի տնօրենն է (ի դեպ, Արդյունաբերողների եւ գործարարների միության հետ էլ կապը չի խզել, համագործակցում է, սակայն հասարակական հիմունքներով):


- "ԵՐԵՎԱՆ ՊԼԱԶԱ"-ում դեռ չեք սկսել աշխատել?, - հարցնում եմ պրն Ղազարյանին` նկատի ունենալով աշխատանքի ու սիրահարվածության մասին նրա ձեւակերպումը:

Առայժմ ամեն ինչ անում եմ հաճույքով: Նախքան "ԵՐԵՎԱՆ ՊԼԱԶԱ" տեղափոխվելը երբեւէ չէի աշխատել մասնավոր սեկտորում: Եվ ահա` 43 տարեկանում առաջին աշխատանքս գործարար աշխարհում, այն էլ` ղեկավար պաշտոնում: Այն տպավորությունն է, թե հայտնվել եմ նավի վրա, որի ղեկը ինձ են վստահել: Յուրաքանչյուր գործում հաջողության հասնելու համար, իմ համոզմամբ, առաջին հերթին պիտի անվերապահորեն հավատաս այդ հաջողությանը: Ինչ խոսք, այդ հավատին պիտի գումարվեն խելքը, միտքը, հավակնությունները, նպաստավոր հանգամանքները: Հենց այդ ամենն էլ ինձ օգնեց: Այո, ես ինձ համարում եմ երջանիկ եւ հաջողակ: Իսկ թե որքանով եմ հաջողության հասել կամ կայացել, թող դատի շրջապատը: Ես չգիտեի, թե ինչպես պիտի անեմ, բայց հաստատ գիտեի, որ կհաջողեմ, կստացվի: Իհարկե, այն ժամանակ "ԵՐԵՎԱՆ ՊԼԱԶԱ"-ն արդեն Հայաստանում հայտնի անուն էր` բրենդ, երեւի թե հանրապետության լավագույն բիզնես-կենտրոնը: Ես ընդամենը պիտի ուսումնասիրեի այն, ինչն ինձ ժառանգություն էր հասել եւ որոշեի, թե ինչպես վարվեմ այդ ժառանգության հետ, ինչ անեմ: Պատկերացրեք "Լեգո" կոնստրուկտորը. եթե դրանով ուզում ես մեքենա հավաքել, պիտի ստուգես` անիվներ կան? Եթե չկան, ուրեմն մեքենա չի ստացվի: Ես առանձնացրի բոլոր մասերը, ուսումնասիրեցի եւ որոշեցի հավաքել այնպես, ինչպես ինքս եմ պատկերացնում: "ԵՐԵՎԱՆ ՊԼԱԶԱ"-ն այսօր եթե ոչ միակ, ապա գոնե ոչ մեծաթիվ այն բիզնես-կենտրոններից է, որտեղ ազատ` չվարձակալած տարածք չկա: Դա հաջողություն է, հաջողություն` պայմանավորված նաեւ անվտանգության ծառայության համակարգերի բարձր տեխնոլոգիաներով, իտալական բարձրակարգ ավտոմատիզացված սարքավորումներով, աշխատանքի կազմակերպմամբ եւ, իհարկե, դրանց գումարվում են իտալական հայտնի ընկերության կառուցած շենքի արժանիքները: Այս ամենի համադրությունն, ի վերջո, լավ արդյունքի է հանգեցնում: Դե իսկ ամենամեծ ձեռքբերումս աշխատանքային իմ թիմն է, առանց որի իմ հաջողությունը չէր կայանա:
 
Իսկ "ԵՐԵՎԱՆ ՊԼԱԶԱ" անունով նավի նավապետ Արթուր Ղազարյանի թիմն իսկապես ամուր է ու միասնական: Ինչպես ինքն է սիրում ասել` թիմ չէ, այլ ընտանիք: Ընտանեկան մթնոլորտն էլ լի է անկեղծ սիրով ու բարյացակամությամբ: Բոլորն էլ, իրենց ղեկավարի նման, սիրահարված են իրենց գործին: Յուրաքանչյուրը, լինելով իր գործի մեծ գիտակ, պատրաստ է հարկ եղած դեպքում օգնության ձեռք մեկնել գործընկերոջը:

Ինչն է "ԵՐԵՎԱՆ ՊԼԱԶԱ"-ի ղեկավարին ինքնավստահություն ներշնչում, ստիպում հավատալ իր ուժերին? Առաջին հերթին` այն դասերը, որոնք քաղել է իր ուսուցիչներից` ամերիկացի Դոնալդ Հարթից, որ նրա առաջին ղեկավարն էր USAID-ում: Այժմ թեպետ վերադարձել է Միացյալ Նահանգներ, սակայն նրա հետ կապը Արթուրը պահպանում է մինչեւ օրս: Ուսուցիչներից մեկն էլ Հայաստանի արդյունաբերողների եւ գործարարների միության նախագահ Արսեն Ղազարյանն է, որից այսօր էլ շարունակում է շատ բան սովորել: Եվ, իհարկե, պահապան հրեշտակները, որոնց թեպետ չի տեսնում, բայց որոնք անբաժան են իրենից, միշտ իր հետ են: Ենթագիտակցորեն: Հատկապես`դժվարին պահերին: Իսկ այդպիսի պահերից չի կարող խուսափել անգամ միշտ իր ուժերին, իր ծրագրերին, իր հաջողությանը հավատացող Արթուր Ղազարյանը: Դժվարին իրավիճակներում հայտնվելու դեպքում էլ նա չի դադարում իրեն երջանիկ մարդ համարել եւ դասեր է քաղում այդ պահերից: Քանզի "այն ամենն, ինչ մեզ չի սպանում, մեզ դարձնում է ավելի ուժեղ":

2003 թվականին Արթուրը որոշեց առաջին անգամ ուժերը փորձել գործարարի դերում եւ Հայաստանում հիմնել մաքրող միջոցներ արտադրող գործարան: Իրեն այդ գործում բավարար փորձառու չհամարելով` նա որոշեց տնօրենի պաշտոնը վստահել ուրիշին: Նշանակվածներից մեկը չկարողացավ կատարել իր վրա դրված պարտականությունները, մյուսը այնքան հաջողեց, որ որոշեց ամեն ինչ ծառայեցնել իր շահին. մեկ օրում վաճառեց արդեն զգալի եկամուտ բերող գործարանը եւ հեռացավ Հայաստանից` փաստորեն թալանելով անփորձ, սկսնակ գործարարին:

- Այո, դա ձախողում էր, որից ես այնպիսի դաս քաղեցի, որն ինձ շատ օգնեց հետագա գործունեությանս ընթացքում: Ես չափազանց շատ վստահեցի տնօրենին, որին էլ թվաց, թե իրեն ամեն ինչ թույլատրելի է: Պետք էր ավելի լավ ճանաչել նրան, ուսումնասիրել նրա թուլությունները: Այստեղից` հետեւություն. երկար շփվիր գործընկերներիդ հետ, ավելի լավ ճանաչիր աշխատակիցներիդ, - խոստովանում է Արթուրը:

Աշխատակիցներից ու գործընկերներից զատ, արդեն կայացած բիզնես-կենտրոնի կայացած տնօրենն ուսումնասիրում է նաեւ անշարժ գույքի շուկան, որը, ինչպես ցանկացած այլ ոլորտ, մշտապես փոփոխվում է, զարգանում: "Հուսով եմ, որ շատ շուտով "ԵՐԵՎԱՆ ՊԼԱԶԱ" բիզնես-կենտրոնը հայկական անշարժ գույքի շուկայում հանդես կգա տարածքների վարձակալության նոր առաջարկով", - ասում է Արթուր Ղազարյանը: Թե որն է նոր առաջարկի էությունը, նա առայժմ թաքցնում է: Սակայն, եթե նկատի ունենանք, որ նա անվերապահորեն հավատում է իր հաջողությանն ու իր շուրջը համախմբված մարդկանց, կարող ենք ենթադրել, որ բիզնես-կենտրոնը շատ շուտով կստիպի իր մասին խոսել միանգամայն նոր տեսանկյունից:

ՅԱՆԱ ԱՎՉԻՅԱՆ


Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• «Առաջին լրատվական»-ի հարցազրույցը Հայաստանի Արդյունաբերողների և գործարարների միության նախագահ Արսեն Ղազարյանի հետ• Արսեն Ղազարյանը գերխնդիր է համարում Հայաստանի տնտեսության մեջ ներքին և արտաքին ներդրումների մեծացումը• Կայացել է «Հայաստանի տնտեսության զարգացման արդի հիմնախնդիրները և ռազմավարական ուղղությունները» թեմայով գիտագործնական խորհրդաժողով• Նիկոլ Փաշինյանը խոշոր գործարարների հետ քննարկել է ներդրումային միջավայրի բարելավմանն ուղղված քայլերը• «Հայ գործարար կյանքի սկզբնավորումն ու զարգացումը ԱՄՆ-ում» թեմայով դասախոսություն• ՀԱԳՄ նախագահության նիստ• ՎԱՍՆ ՀԱՎԱՏՈ ԵՎ ՀԱՅՐԵՆՅԱՑ• ՀՀ վարչապետի պաշտոնակատար Նիկոլ Փաշինյանը հոկտեմբերի 26-ին հանդիպել է ՀԱԳՄ նախագահության անդամների հետ՝ Հ1-ի լրատվականով 6ր55վրկ-ին• ՀՀ վարչապետի պաշտոնակատար Նիկոլ Փաշինյանը հանդիպել է գործարարներին

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
    Женский журнал «Сила Притяжения» Журнал-дайджест «Экспедиция длиною в жизнь» Журнал «Стратегии Развития» Научно и популярно о главном - журнал-дайджест «Неизведанная Планета» Журнал-дайджест «Премьера Сезона» - загляни в своё будущее
  • Национальный центр по урегулированию законодательства
  • ООО «АПАВЕН» - Международная Грузовая Транспортная Компания
  • LOGOS EXPO Center
  • Киликия бизнес клуб
  • «Հայաստան - Ռուսաստան» առևտրաարդյունաբերական ասոցիացիա