Քննարկում ՀԱԳՄ-ում

Հունվարի 9-ին Հայաստանի արդյունաբերողների և գործարարների միությունում կայացած քննարկման հիմնական թեման վերաբերում էր բիզնեսում տարեկան պարտադիր աուդիտ անցկացնելու նախագծին:

Հանդիպմանը մասնակցում էր ՀՀ տնտեսական զարգացման և ներդրումների փոխնախարար Տիգրան Խաչատրյանը: Հանդիպման նպատակն էր ճշտել գործարարների ընդհանրական կարծիքը հիշյալ խնդրի վերաբերյալ:

Գործարարների գերակշիռ մասը նշեցին, որ աուդիտը ընդհանրապես լավ երևույթ է ու կարևոր գործոն, բայց այսօր Հայաստանում դա կիրառելը նպատակահարմար չէ, որ դա աուդիտորական ծառայություններին ֆինանսական հոսք ապահովելուց բացի ուրիշ հարցեր չի լուծելու, առավել ևս, որ դա հարկային ծառայությունների համար օրինական փաստաթուղթ չի կարող ծառայել: Եղան նաև հակառակ դիրքորոշման կարծիքներ ու մտահոգություններ, որ աուդիտը կարող է դառնալ բիզնեսի թափանցիկությունը բարձրացնելու միջոց:

Որոշվեց, որ նպատակահարմար է հանդիպումները շարունակել նաև ֆինանսական ոլորտի մասնագետների հետ: