Նախագահ Սերժ Սարգսյանը մասնակցել է հայ-էմիրաթյան ներդրումային համաժողովին

28 մարտի 2017 | | Լուրեր, 2017

Աշխատանքային այցով Արաբական Միացյալ Էմիրություններում գտնվող Նախագահ Սերժ Սարգսյանը մարտի 22-ին մասնակցել է Աբու Դաբիում անցկացվող «Հայաստան-Արաբական Միացյալ Էմիրություններ» ներդրումային համաժողովին, որը կազմակերպվել է Նախագահ Սերժ Սարգսյանի և Աբու Դաբի էﬕրության թագաժառանգ, ԱՄԷ զինված ուժերի գլխավոր հրամանատարի տեղակալ Շեյխ Մոհամմեդ բին Զայեդ Ալ Նահյանի բարձր հովանավորությամբ:

Հայաստանի զարգացման հիմնադրամի, Հայաստանի արդյունաբերողների և գործարարների միության և Աբու Դաբիի Առևտրի պալատի կազմակերպած համաժողովը նպատակ ունի խթանելու Հայաստանի և արաբական երկրների տնտեսական կապերի ակտիվացումը, գործարարների միջև շփումները, ներկայացնելու Հայաստանի ներդրումային միջավայրը և տարբեր ոլորտներում փոխշահավետ ներդրումային նախագծեր: Համաժողովի շուրջ 300 մասնակիցների թվում էին պետական պաշտոնյաներ, հիմնադրամների ղեկավարներ, միջազգային ընկերությունների ու կազմակերպությունների, Հայաստանում օտարերկրյա ներդրումների հաջող փորձ ունեցող ընկերությունների ներկայացուցիչներ։

Այցին մասնակցում էր Հայաստանի զարգացման հիմնադրամի և Հայաստանի արդյունաբերողների և գործարարների միության պատվիրակությունը:

Միության պատվիրակության ղեկավար, ՀԱԳՄ նախագահ Արսեն Ղազարյանը առանձին հանդիպումներ և պայմանավորվածություններ է ունեցել արաբ գործարարների հետ և այցը գնահատել է ժամանակին, խիստ արդյունավետ ու նաև շահեկան Հայաստանի միջազգային վարկանիշի բարձրացման առումով: Նա արաբ գործարարներին գործակցության համատեղ առաջարկներ է արել և Միության անունից պատրաստակամություն հայտնել հնարավորինս աջակցելու:

Հայաստանի արդյունաբերողների և գործարարների միության պատվիրակության անդամները մասնակցել են առանձին ոլորտային քննարկումներին, որոնք վերաբերում էին գյուղատնտեսությանը, էներգետիկային, առողջապահությանը, տուրիզմին, տեղեկատվական տեխնոլոգիաներին, անշարժ գույքին և բազմաբնույթ այլ խնդիրներին:

Համաժողովում ԱՄԷ էկոնոմիկայի նախարար Սուլթան բին Սայիդ Ալ Մանսուրի ողջույնի խոսքից հետո Հանրապետության Նախագահ Սերժ Սարգսյանը համաժողովում հանդես է եկել ելույթով:
Թեգեր՝ Սերժ Սարգսյան, հայ-էմիրաթյան ներդրումային համաժողով, Արաբական Միացյալ Էմիրություններ, Նախագահ, Աբու Դաբի, Հայաստան-Արաբական Միացյալ Էմիրություններ, Աբու Դաբի էﬕրության թագաժառանգ, Շեյխ Մոհամմեդ բին Զայեդ Ալ Նահյան, Հայաստանի արդյունաբերողների և գործարարների միություն

Անուն*
Ձեր էլ. հասցեն*
Ուղարկվող էլ. հասցեն*
 

Читать так же по темам:

Լուրեր
• «Ստեղծել տեղեկատվական և գործառնական առանձին հարթակներ, որոնցով ամենօրյա շփման մեջ լինեն ԵԱՏՄ անդամ երկրների գործարարները». Արմեն Ներսիսյան• Ստուգաթերթերով ստուգման նպատակը իրավական խախտումը կանխարգելելն է• Մեկնարկեց «Դալան» տեխնոլոգիական կենտրոնի շինարարությունը• Սննդի արդյունաբերության ոլորտի ընկերությունների յուրահատուկ ստուգատես• Ներկայացվեց ՀՀ հակակոռուպցիոն ռազմավարության ու դրա իրականացման 2019-2022 թթ․ միջոցառումների 2022 թ․ տարեկան կատարման այլընտրանքային հասարակական մշտադիտարկման զեկույցը• Աշխատանքային իրավունքի բնագավառում ստուգումներին նվիրված սեմինար՝ ՀԱԳՄ-ում• ՀՀ փոխվարչապետ Տիգրան Խաչատրյանն ընդունեց Տնտեսական ուղղվածության ոչ կառավարական կազմակերպությունների միասնական հարթակի ներկայացուցիչներին• ՀԱԳՄ պատվիրակությունը մասնակցել է հայ-լիտվական գործարար համաժողովին• Տնտեսական ուղղվածության հասարակական կառույցները ձևավորում են միասնական հարթակ

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center