Շնորհավորանքներ Հովիկ Մուսայելյանին

ՀՀ արտահանմանն ուղղված արդյունաբերական քաղաքականության ռազմավարություն ԵԱՏՄ հղումներ ՀԵՆ-ԳԵՐ հարցաթերթիկ կազմակերպությունների համար

02 հունիսի 2019 | | Լուրեր

Թեգեր՝ Հովիկ Մուսայելյան, Հայաստանի արդյունաբերողների և գործարարների միության նախագահության և խորհրդի անդամ, «ՍԻՆՈՓՍԻՍ ԱՐՄԵՆԻԱ» ընկերության գլխավոր տնօրեն, ՍԻՆՈՓՍԻՍ ԱՐՄԵՆԻԱ

Հունիսի 3–ին Հայաստանի արդյունաբերողների և գործարարների միության նախագահության և խորհրդի անդամ, «ՍԻՆՈՓՍԻՍ ԱՐՄԵՆԻԱ» ընկերության գլխավոր տնօրեն Հովիկ Մուսայելյանի ծննդյան օրն է։ Երբ տասնամյակ առաջ Հայաստանում բարձր տեխնոլոգիաները հռչակվեցին որպես գերակա ուղղություն, Հայաստան մուտք գործեց «ՍԻՆՈՓՍԻՍ» ընկերությունը և այդ ոլորտի հաստատման ու զարգացման նախանձախնդիրն ու կնքահայրը դարձավ Հովիկ Մուսայելյանը։ Երևանում կառուցվեց գերժամանակակից գիտաարտադրական կենտրոն, որը գործում է Եվրոպական և Սիլիկոնային հովտի չափանիշներով։ Հովիկ Մուսայելյանի ջանքերով ու ղեկավարությամբ ստեղծվեցին հազարավոր աշխատատեղեր, ուր կենտրոնացված է գիտական մտքի մեծ պոտենցիալ։ Եթե Հայաստան ժամանած հեղինակավոր ցանկացած պատվիրակությանը մեր երկիրը ներկայացնելու հարկ է լինում, առաջինը «ՍԻՆՈՓՍԻՍ» ընկերությունն են մատնանշում որպես զարգացած աշխարհին համաքայլ ընթացող ձեռնարկություն։

Հովիկ Մուսայելյանը ոչ միայն հմուտ կազմակերպիչ է ու վաստակած գիտնական, այլև հասարակական գործիչ, ով կարողանում է իր առողջ ու առաջադեմ գաղափարները ներկայացնել հանրությանը։

Արժանացել է բազմաթիվ մրցանակների ու պարգևների, պատվավոր կոչումների։ Շնորհավորում ենք, համոզված ենք, որ նրա հարուստ կենսագրության շատ նշանավոր էջեր դեռ նոր են գրվելու։