Ծնվել է Արմեն Մկոյանը

Մայիսի 15–ին Հայաստանի արդյունաբերողների և գործարարների միության նախագահության և խորհրդի անդամ, «ԷԼԻՏ ԳՐՈՒՊ» ընկերության նախագահ Արմեն Մկոյանի ծննդյան օրն է։ Վերջին տասնամյակներում Հայաստանի շինինդուստրիայում լրջագույն խոսք է ասում «ԷԼԻՏ ԳՐՈՒՊ» ընկերությունը, որը հիմնադրել և ղեկավարում է ոլորտի բազմահմուտ գիտակ ու փորձառու գործարար, գիտնական ու բացառիկ անհատականություն Արմեն Մկոյանը։ Ընկերությունը իրականացնում է բնակելի ու հասարակական էլիտային համակարգերի շինարարություն, ներքին հարդարման աշխատանքներ, դիզայն, շենքերի սպասարկում, մարկետինգ ու մենեջմենթ, կառուցում է հուսալի, ամուր, հարմարավետ, ճաշակով և բարետես, համաշխարհային ու ազգային շինինդուստրիայի արդի նվաճումներով ու փորձառությամբ։ Ահավասիք՝ «ԷԼԻՏ ԳՐՈՒՊ»–ը վերջերս բարձր մակարդակով շահագործման հանձնեց տարածաշրջանում խոշորագույն Բիզնես կենտրոնը, որն իր գեղեցկությամբ պատիվ կբերի աշխարհի շատ մայրաքաղաքներին։ Իրոք որ կառուցվում է դարերի համար։ Դա ընկերության և նրա ղեկավար Արմեն Մկոյանի հավատամքն է։

Հայաստանի արդյունաբերողների և գործարարների միության նախագահության և խորհրդի ամենաակտիվ անդամներից է, ում խոսքը գործընկերների համար լուրջ կշիռ ունի, ինչի հետ հաշվի չնստել հնարավոր չէ։

Շնորհավորում ենք վաստակած գործարարին, հրաշալի մարդուն և բարեսիրտ ընկերոջը և մաղթում, որ նրանց կառուցածը դարերի հետ խոսի։