Ծնվել է Արսեն Ղազարյանը

Փետրվարի 13–ը Հայաստանի արդյունաբերողների և գործարարների միության նախագահ, «ԱՊԱՎԵՆ» ՍՊԸ գլխավոր տնօրեն Արսեն Ղազարյանի ծննդյան օրն է։

Արսեն Ղազարյանը նորանկախ Հայաստանի գործարարության սկզբնավորման ակունքներում է, նրա ուղեկիցն ու կազմակերպիչը, ղեկավարը, ով մեր հանրապետությունում տնտեսական նոր հարաբերությունների ձևավորման պատմության մեջ իր սեփական էջը գրեց՝ նորը սկզբնավորողի մտահոգություններով ու նաև տագնապներով, առաջին ծիլերը նկատողի զգուշավոր, բայց անթաքույց ուրախությամբ և նվաճումների բերկրանքով, աշխարհին ներկայացվող հայկական առաջին ապրանքանիշերով և հայրենական նոր արտադրանքով առաջինը հպարտացողի արժանապատիվ զգացողությամբ... Այն ամենով, ինչը անվանում ենք Հայոց բիզնես։

Արսեն Ղազարյանի ղեկավարած Միությունը դարձել է ոչ միայն Հայաստանի, այլ նաև սփյուռքահայ գործարարների տունը, նրանց մերձեցնող կամուրջը, որով հայաստանյան գործարարը միաժամանակ ինտեգրվում է համաշխարհային հանրությանը, դառնում մեծ ընտանիքի մի անդամը։

Արսեն Ղազարյանի լայնախոհ գործունեության շնորհիվ Հայաստանի արդյունաբերողների և գործարարների միության և իշխանության բարձր ատյանների միջև ստեղծվել է կառուցողական երկխոսություն, քննարկվում են տնտեսական օրենսդրության բարեփոխումներին վերաբերող նախագծեր ու ծրագրեր, որից շահում է Հայաստանի գործարար մթնոլորտը։ Նա վստահորեն հավատում է, որ գալու է հայոց բիզնեսի Ոսկեդարը, որի չհոգնող ճամփորդն է Արսեն Ղազարյանը։

Ջերմորեն շնորհավորում ենք և մաղթում արևշատություն։