Շնորհավորական ուղերձ Մայիսի 9–ի տոների կապակցությամբ

08 մայիսի 2013 | | Լուրեր, 2013

Հայաստանի, Արցախի և Սփյուռքի սիրելի գործարարներ, Հայաստանի արդյունաբերողների և գործարարների միությունը ջերմորեն շնորհավորում է Ձեզ Մայիսի 9–ի՝ Հայրենական Մեծ պատերազմի և Շուշիի փառապանծ հաղթանակների տոնի կապակցությամբ, մաղթում արևշատություն, անսպառ եռանդ և հայրենաշեն նորանոր գործեր, որոնցով մեր Հայաստան աշխարհը առավել կշենանա ու կհզորանա։ Մեր ժողովրդի կյանքում միշտ էլ եղել են ճակատագրական պահեր ու մարտահրավերներ, որոնց հաղթահարել ենք մեր հզոր կամքով ու միասնականությամբ և շարունակելու ենք նույն կերպ ամրապնդել մեր պետականությունը։ Այդպես է եղել Մայիսյան Ավարայրին, Մայիսյան Սարդարապատին, Մայիսյան Հայրենականին ու Մայիսյան Շուշիին և դեռ էլի Մայիսներ կլինեն...

Դժվարին հաղթանակներով սրբագործված մեր նորանկախ Հայաստանը այսօր ևս շատ հոգսեր ու խնդիրներ ունի, և բնականաբար կռիվը շարունակվում է տնտեսական դաշտում, որ ամեն հայ Հայրենիքում ունենա աշխատանք ու արժանավայել ապրելակերպ, որ օտարության ճամփաները այլևս չկանչեն հայ մարդուն, առավել ևս հայ գործարարին, ով մի սուրբ առաքելություն ունի՝ շենացնել սեփական հայրենիքը և ոչ թե օտարի տունը։ Հիշեք մեծագույն գործարար և անգերազանցելի բարերար Ալեքսանդր Մանթաշյանցի պատգամը՝ «Հայ վաճառականներ, օտար թանգարաններում ձեզ համար միայն մոռացության փոշի է պահված...»։

Սիրելի գործարարներ, մեր պետականաշինությունը նման է սրբազան տաճարի կառուցման, որի որմերին ամեն օր մի քար պիտի ավելացնենք. և առաջին ավելացնողը հենց դուք եք։ Թող Աստված ձեր ուժն ու եռանդը, նվիրվածությունը բազմապատկի, որ հայոց բիզնեսի ոսկե մատյանը լրացնեք արժանավայել էջերով։

Չկասկածեք, անպայման գալու է հայ գործարարության Ոսկեդարը, և արարողը դուք եք լինելու։ Աստված Ձեզ և բոլորին պահապան...

Արսեն Ղազարյան
Հայաստանի արդյունաբերողների և
գործարարների միության նախագահ


Անուն*
Ձեր էլ. հասցեն*
Ուղարկվող էլ. հասցեն*
 

Մեկնաբանություններ

մեկնաբանություններ չկան

Մեկնաբանել

Մեկնաբանություններ կարող են թողնել միայն գրանցված օգտվողները:
Անհրաժեշտ է մուտք գործել կամ գրանցվել
Սխալ լոգին/գաղտնաբառ
Էլ. հասցե
Գաղտնաբառ
 
Имя (պարտադիր է)
Почта (պարտադիր է)
Пароль (պարտադիր է)
 

Авторизоваться

Регистрация      Забыли пароль?
Некоторые функции сайта доступны только авторизованным пользователям
Որոնել նյութ ըստ ամսաթվի
  • ООО «АПАВЕН» - Международная Грузовая Транспортная Компания
  • LOGOS EXPO Center