Մանթաշյանցի կիսանդրին վիրահայ գործարարի ուխտատեղի

ՀՀ նախագահ Սերժ Սարգսյանի նոյեմբերի 29–30–ին Վրաստան կատարած այցի շրջանակներում ՀԱԳՄ–ն մի քանի նախաձեռնություններով հանդես եկավ։ Նախ՝ նոյեմբերի 30–ին Միության նախաձեռնությամբ ու ֆինանսավորմամբ Թիլիսիի Սուրբ Էջմիածին եկեղեցու բակում տեղադրվեց մեծ գործարար և բարերար Ալեքսանդր Մանթաշյանցի կիսանդրին։ Հանդիսավոր բացման արարողությունը իր մասնակցությամբ պատվեց ՀՀ նախագահ Սերժ Սարգսյանը, պաշտոնատար այրեր, մշակույթի գործիչներ։ ՀԱԳՄ նախագահ Արսեն Ղազարյանը, հիշեցնելով Մանթաշյանցի կյանքի դասերը,հայ գործարարներին, որպես օրվա հրամայական, հիշեցրեց՝ “Հայ գործարարներ, օտար ափերում ձեր արածի վրա միշտ էլ մոռացության փոշին կնստի...Ձեր մտքի ու ձեռքի շնորհները, ձեր աստվածատուր էներգիան ներդրեք միայն մայր հայրենիքի հզորացմանը”։ Արդյունավետ էր Հայ–վրացական գործարար համաժողովը, որը Միությունը նախապատրաստել էր հանգամանորեն ու նպատակամիտված։
Այցի ավարտին թբիլիսյան հանդիսատեսին առաջին անգամ ցուցադրվեց Մանթաշյանցի մասին հուզիչ մի տեսաֆիլմ, որը ֆինանսավորել էր ՀԱԳՄ–ն։