Սերժ Սարգսյան. գործարարությունը պետք է տարանջատվի իշխանությունից

ՀՀ նախագահ Սերժ Սարգսյանը խոստացել է վերջ տալ օլիգարխությանը' շեշտելով, որ «գործարարությունը պետք է հետևողականորեն տարանջատվի պետական համակարգից և իշխանությունից»:

Մասնակցելով Հայաստանի արդյունաբերողների և գործարարների միության համագումարին' նախագահն ասել է. «Պետությունը պետք է շարունակի սովորել լիարժեքորեն հարգել ևապահովել յուրաքանչյուր քաղաքացու և գործարարի շահը: Պետությունը և գործարարը պետք է հանդես գան որպեսվստահելի գործընկերներ»:

Սարգսյանն ասել է, որ «տնտեսական կայունության առումով ավելի առաջ ենք գնալու' ապահովելով ոչ միայն գնաճիմակարդակի ու ֆինանսական համակարգի կայունությունը, այլև տարեցտարի կրճատելու ենք պետբյուջեի դեֆիցիտ-համախառն ներքին արդյունք հարաբերակցության մակարդակը»:

«Բիզնեսին հարկավոր է բարենպաստ գործարար միջավայր. մենք դա ապահովելու ենք: Արդեն դրել ենք երկրների գործարար միջավայրների ազատությունը բնութագրող միջազգային սանդղակում կտրուկ վեր բարձրանալու գործընթացի սկիզբը: Ընդ որում, անցած տարի փաստորեն Հայաստանն աշխարհի թերևս միակ երկիրն էր, որն առաջընթաց էրարձանագրել ազատության աստիճանը բնութագրող բոլոր ուղղություններով: Այս հարցում ես ակնկալում եմ նոր' ավելի էական ձեռքբերումներ»,- ըստ նախագահի մամլո գրասենյակի' ընդգծել է Սարգսյանը: