«Կամուրջ–2012» 9–րդ միջազգային տնտեսական համաժողովԿամուրջ

Փետրվարի 4–ին Ծաղկաձորում մեկնարկեց «Կամուրջ –2012» 9–րդ միջազգային տնտեսական համաժողովը, որի կազմակերպիչներից ու աջակցողներից է ՀԱԳՄ–ն։ «Հայկական Դավոս» ոչ պաշտոնական անունը կրող համաժողովը բացեց և օրախնդիր անելիքները ներկայացրեց ՀԱԳՄ նախագահ Արսեն Ղազարյանը։

Դարի մարտահրավերները և Հայաստանի տնտեսական ռազմավարական անելիքները ներկայացրեց ՀՀ էկոնոմիկայի նախարար Տիգրան Դավթյանը։ Համաժողովի 300–ից ավելի մասնակիցները, արտերկրից ժամանած գործարարները և հրավիրված դիվանագիտական կազմակերպությունների ներկայացուցիչները լիագումար նիստերի և կլոր սեղանների ժամանակ հանգամանորեն քննարկեցին Հայաստանի տնտեսական հիմնախնդիրները և դրանց լուծման տարբերակները։

Միջազգային համաժողովի գլխավոր թեման էր՝ «Նոր իրականության նոր մտածելակերպ»։