Doing Business 2012 հաշվետվության համառոտ նկարագրություն

Բիզնես սկսելու և զարգացնելու առումով աշխարհի առաջատար 20 պետություններն են Սինգապուրը, Հոնկ-Կոնգը, Հարավ-աֆրիկյան հանրապետությունը, Չինաստանը, Նոր Զելանդիան, ԱՄՆ-ն, Դանիան, Նորվեգիան, Մեծ Բրիտանիան, Կորեայի Հանրապետությունը, Իսլանդիան, Իռլանդիան, Ֆինլանդիան, Սաուդյան Արաբիան, Կանադան, Շվեդիան, Ավստրալիան, Վրաստանը, Թայլանդը, Մալազիան, Գերմանիան և Ճապոնիան:
Նշված պարբերականը իր վերլուծության մեջ առաջնորդվում է մի քանի չափանիշներով, որոնք հիմնականում որոշում են, թե ինչքանով է դյուրին բիզնես սկսել և զարգացնել այն, որովհետև շատ հաճախ մարդիկ կարող են ունենալ գաղափարներ, և դրանց իրագործումը կախված է այն բանից, թե արդյոք դյուրին է բիզնես միջավայրը թե ոչ: Այսինքն, մարդ կարող է գաղափար ունենալ, և եթե բիզնես սկսելու գործընթացները դյուրին չեն, նա կարող է հրաժարվել իր գաղափարից: Նշված պարբերականը որակական վերլուծության է ենթարկում բիզնես միջավայրը՝ կենտրոնանալով այնպիսի ցուցանիշների վրա, որոնք ցույց են տալիս, թե ինչքան հեշտ է շինարարության թույլտվություն ստանալը, էլեկտրոէներգիայի հասանելիությունը, թույլատվություններ ստանալու դյուրինությունը, վարկեր ստանալու, սեփականություն գրանցելու ընթացակարգերը, հարկեր վճարելու, ներդրողներին պաշտպանելու և սահմաններից այն կողմ առևտուր կազմակերպելու քաղաքականությունը, ինչպես նաև սնանկացման գործընթացների և պայմանագրային հարաբերությունների կառավարման արդյունավետությունը:

Ըստ զեկույցի, բիզնես սկսելու և վարելու դյուրինություն ապահովելու նպատակով բարեփոխումների իրականացման արդյունքում Հայաստանն առաջընթաց է գրանցել հետևյալ ուղղություններով.

Բիզնես սկսելը. Հայաստանը բիզնես սկսելու գործընթացը դյուրինացրել է՝ ընդունելով մեկ պատուհանի սկզբունքը անվան գրանցման, բիզնեսի գրանցման և հարկային կոդ ստանալու համար, ինչպես նաև կիրառվում է համակարգչային առցանց գրանցման համակարգ:

Կառուցապատման թույլատվությունների տրամադրումը. Հայաստանը կառուցապատման թույլատվությունների տրամադրումը հեշտացրել է՝ դադարեցնելով փոքր ծրագրերի համար շրջակա միջավայրի ազդեցության վերաբերյալ գնահատականի ստացման ընթացակարգը:

Վարկեր ստանալու ընթացակարգերը. Հայաստանը զարգացրել է իր կրեդիտավորման համակարգը՝ ներդնելով կոմունալ ծառայություններից տեղեկատվության հավաքագրման և տարածման վերաբերյալ պահանջ:

Հարկերի վճարումը. Հայաստանը ձեռնարկությունների համար հարկային ընթացակարգերը հեշտացրել է՝ իջեցնելով սոցիալական վճարումների և կորպորատիվ եկամտի, սեփականության և հողի հարկի վերաբերյալ վճարումների քանակը, ինչպես նաև ներդնելով խոշոր հարկերի վերաբերյալ պարտադիր էլեկտրոնային գրանցման և վճարման համակարգ:

Սնանկության ընթացակարգեր. Հայաստանը բարեփոխել է սնանկ ճանաչելու վերաբերյալ օրենքը՝ հստակեցնելով սնանկության գործընթացների կառավարիչ նշանակելու, սնանկության ճանաչման գործընթացի ժամանակը կրճատելու և ընթացիկ միջոցները աճուրդով վաճառքի հանելու ընթացակարգերը:

Ըստ այս զեկույցի, բիզնես սկսելու և վարելու դյուրինությամբ Հայաստանը գրավում է 55-րդ տեղը, Վրաստանը՝ 16-րդ, Ադրբեջանը՝ 66-րդ, Թուրքիան՝ 71-րդ, իսկ Ռուսաստանը՝ 120-րդ տեղերը: