Համատեղ ներդրում հայրենական բիզնեսում

Դեկտեմբերի 18–ին Երևանում բացվեցին հայ–վրացական «Ֆլեշ–Թեգետա Մոթորս» ընկերության գլխամասային գրասենյակը և Հայաստանում առաջին մուլտիբրենդային սերվիս–կենտրոնը՝ հագեցած ժամանակակից սարքավորումներով, եվրոպական ստանդարտներին համապատասխան սպասարկման բարձր մակարդակով։ Իր ողջույնի խոսքում Հայաստանի արդյունաբերողների և գործարարների միության նախագահ Արսեն Ղազարյանը մասնավորապես նշեց, որ համատեղ այս խոշոր ձեռնարկումը ինքնին վկայում է, որ Հայաստանը իր ներդրումային գրավչությամբ կարևոր գործոն է օտարերկրյա գործարարների համար։ Բացման արարողությանը ներկա էին բարձրաստիճան պաշտոնյաներ, խոշոր կազմակերպությունների ղեկավարներ, դեսպաններ և հյուպատոսներ, ինչպես նաև հյուրեր «Թեգետա Մոթորս» ընկերությունից և արտասահմանյան պրեմիում բրենդների ներկայացուցիչներ արտերկրից՝ ՌԴ, Գերմանիա, Ճապոնիա, Չինաստան, ՈՒկրաինա և այլն։