Երկկողմ տնտեսկան կապերն ակտիվացնելու ու համատեղ ծրագրեր իրականացնելու նպատակով սեպտեմբերի 17-ին Հայաստանի արդյունաբերողների և գործարարների միություն էր այցելել Իրանի Իսլամական Հանրապետության Սպահան քաղաքի Առևտրային պալատի պատվիրակությունը, որի կազմում էին գործարարներ տնտեսության ամենատարբեր ոլորտներից՝ շինարարություն, գյուղատնտեսություն, սննդարդյունաբերություն, դեղագործություն, ոսկերչություն, ավտոմեքենաների էլեկտրական մարտկոցների արտադրություն և այլն։

ՀՀ միջազգային բեռնափոխադրումների ոլորտում ունեցած նշանակալի ավանդի և ծննդյան 60-ամյակի կապակցությամբ «Ապավեն» ՍՊԸ գործադիր տնօրեն Գագիկ Աղաջանյանը պարգրատրվել է Հայաստանի արդյունաբերողների և գործարարների միության պատվոգրով ու ոսկե մեդալով։

Երևանի Կարեն Դեմիրճյանի անվան Մարզահամերգային Համալիրում սեպտեմբերի 16-ին մեկնարկեց Հայաստանի արդյունաբերողների և գործարարների միության ու Logos Expo Center ցուցահանդեսային ընկերության կազմակերպած «Armenia Expo 2021» 20-րդ միջազգային ունիվերսալ արդյունաբերական ցուցահանդեսային ֆորումը, որին իր մասնակցությունն է բերել տնտեսության տարբեր ճյուղերը ներկայացնող շուրջ 200 կազմակերպություն։

Շարունակվող կորոնավիրուսային համավարակի պայմաններում տնտեսվարության պատշաճ կազմակերպման, վարակի տարածման դեմ անհարժեշտ կանխարգելիչ միջոցառումներին, հոկտեմբերի 1-ից ուժի մեջ մտնող՝ ՀՀ առողջապահության նախարարի 2021թ. օգոստոսի 20-ի թիվ 65-Ն հրամանի գործնականում կիրառության խնդիրներին առնչվող հարցեր քննարկվեցին Հայաստանի արդյունաբերողների և գործարարների միության նախագահության սեպտեմբերի 13-ին կայացած հեռագնա նիստում։

Հայաստանի արդյունաբերողների և գործարարների միության պատվիրակությունը սեպտեմբերի 3-ին հանդիպեց ՀՀ ֆինանսների նախարար Տիգրան Խաչատրյանի հետ։ Միության անդամների անունից շնորհավորելով նախարարին բարձր պաշտոնում նշանակման կապակցությամբ՝ ՀԱԳՄ փոխնախագահ Ներսես Կարամանուկյանը շնորհակալություն հայտնեց ընդունելության և տնտեսական ու ֆինանսական ոլորտներում տարվող քաղաքականությանը, իրականացվող բարեփոխումներին առնչվող հարցերը քննարկելու հնարավորության ընձեռնման համար։

Հայաստանի արդյունաբերողների և գործարարների միության անդամները օգոստոսի 30-ին հանդիպեցին ՀՀ էկոնոմիկայի նախարար Վահան Քերոբյանի հետ, որի ընթացքում վերջինս հանգամանորեն ներկայացրեց Կառավարության ծրագրի տնտեսական բաղադրիչը։

Հայաստանի արդյունաբերողների և գործարարների միության պատվիրակությունը օգոստոսի 30-ին հանդիպեց ԱՄՆ Միջազգային զարգացման գործակալության Գործարար միջավայրի բարելավում ծրագրի տնօրեն Գայանե Դալլաքյանի և պետություն-մասնավոր կապի միջազգային փորձագետ Ջեյմս Բրյուի հետ։

Հայաստանի Արդյունաբերողների և գործարարաների միության ներկայացուցիչներ Ներսես Կարամանուկյանը ու Արտավազդ Յախշիբեկյանը օգոստոսի 27-ին հանդիպել են առողջապահության նախարարի առաջին տեղակալ Լենա Նանուշյանի հետ, որի ընթացքում քննարկել են առողջապահական ապահովագրության համակարգի ներդրման վերաբերյալ հարցեր, ներկայացրել առաջարկներ:

Հուլիսի 1-ից Հայաստանում ուժի մեջ են մտել ՀՀ աշխատանքային օրենսդրության նկատմամբ Առողջապահական և աշխատանքի տեսչական մարմնի կողմից լիարժեք վերահսկողություն իրականացնելու օրենսդրական դրույթները:

Հայաստանի արդյունաբերողների և գործարարների միությունում օգոստոսի 18-ին տեղի ունեցավ «Բիզնեսի բարելավման անհրաժեշտ լուծումները՝ բնապահպանական ժամանակակից պահանջների համատեքստում» խորագրով հանդիպում-քննարկում, որին մասնակցեցին ՀԱԳՄ անդամ գործարարներ, Eco.am մեդիա հարթակի ներկայացուցիչներ։

Հայաստանի արդյունաբերողների և գործարարների միության Տավուշի մասնաճյուղի նախաձեռնությամբ և Համբուրգի հայ համայնքի աջակցությամբ Տավուշի մարզի սահմանամերձ Ոսկեվան գյուղում հիմնադրվում է ուժային սպորտաձևերի դպրոց:

Հայաստանի արդյունաբերողների և գործարարների միության պատվիրակությունը օգոստոսի 11-ի երեկոյան հանդիպել է ՀՀ բարձր տեխնոլոգիական արդյունաբերության նախարար Վահագն Խաչատուրյանի հետ՝ պատասխանատու պաշտոնում նշանակման առթիվ նրան փոխանցելով Միության շնորհավորական ուղերձը։

Այս կապակցությամբ համագործակցության համաձայնագիր են ստորագրել Հայաստանի արդյունաբերողների և գործարարների միության տնօրեն Էդուարդ Կիրակոսյանն ու ՀՀ առողջապահական և աշխատանքի տեսչական մարմնի ղեկավար Հակոբ Ավագյանը։ Ըստ այդմ՝ կողմերը պարտավորվել են ստեղծել համատեղ աշխատանքային խումբ և մինչև հուլիսի 9-ը մշակել ու հրատարակել համապատասխան ձեռնարկ`գործատուներին անհրաժեշտ իրազեկում ապահովելու համար։

Աննա Դոնչենկոն հանգամանալի ներկայացրեց ՌԴ արդյունաբերության և առևտրի նախարարության ներքո գործող, աշխարհի շատ երկրներում իր գարասենյակներն ունեցող կառույցի գործունեությունը, որդեգրած տնտեսական քաղաքականությունը, առաջնահերթային ոլորտները։ Խնդիր է դրված խթանել Ռուսաստանից արտահանվող ապրանքների ծավալների մեծացումը, ներկրվող տեսականու ընդլայնումը, երկկողմ ներդրումները։